Joyina Inethiwekhi Yababuki Zindwendwe Abancedisayo

Ngoku unganceda ngendlela eyenzelwe ababuki zindwendwe abanezindlu kwindawo yakho usebenzisa Inethiwekhi Yababuki Zindwendwe Abancedisayo. Ukujoyina inethiwekhi yindlela entle yokwenza ezi zinto:

• Ukuthengisa wena neenkonzo zakho.
• Ukuchaza ukuba ubiza malini.
• Ukudibana nabantu onokusebenzisana nabo.
• Ukuzisebenzela ngesantya osithandayo.

Nabani na ofuna umbuki zindwendwe oncedisayo angakhangela kule nethiwekhi ukuze afumane aze aqeshe umntu wasekuhlaleni aza kusebenzisana naye osemgangathweni. 

Inethiwekhi Yababuki Zindwendwe Abancedisayo ifumaneka eOstreliya, eBrazil, eKhanada, eFransi, eJamani, eItali, eMexico, eSpeyini, eUK, naseMerika. Le nethiwekhi iza kwanda iquke amazwe angakumbi ngo-2025.

Iprofayile yombuki zindwendwe oncedisayo kulapho ubonisa khona ubuchule bakho nalapho ufaka khona iinkcukacha ngeenkonzo onikezela ngazo. Khetha kuludwe lweenkonzo zokuncedisa ekubukeni iindwendwe:

• Ukufaka indlu
• Ukuseta amaxabiso nexesha ofumaneka ngalo
• Ukulawula izicelo zokubhukisha
• Ukuthumelela iindwendwe imiyalezo
• Ukunceda iindwendwe ukuloo ndawo zikuyo
• Ukucoca nokuhoya indlu
• Ukufotelwa indlu
• Ukulungisa nokuhombisa indlu ngaphakathi
• Iilayisensi neemvume zokubuka iindwendwe

Unako nokuchaza naziphi na iinkonzo ezongezelelekileyo onikezela ngazo, njengokwenza igadi, ukuhlalutya ishishini nokuqeqeshela ukubuka iindwendwe.

Ababuki zindwendwe abafuna ukuncedwa kwingingqi yakho bangabuza imibuzo baze bacele iinkonzo zakho. Indlela yokukhangela yenethiwekhi iqwalasela izinto ezininzi—kuquka umgangatho, ukunxibelelana nendawo ekuyo—ukuze incede ababuki zindwendwe bafumane ababuki zindwendwe abancedisayo abazifanelekelayo izindlu zabo.

Izinto ezifunekayo ukuze ujoyine Inethiwekhi Yababuki Zindwendwe Abancedisayo zezi:

• Unendlu esebenzayo njengombuki zindwendwe okanye njengombuki zindwendwe oncedisayo onemvume epheleleyo okanye onemvume yekhalenda nemiyalezo.
• Uye wabuka iindwendwe okanye wancedisa ekubukeni iindwendwe kayi-10 nangaphezulu—okanye kathathu nangaphezulu ubuncinane iintsuku eziyi-100 xa zizonke—kwa-Airbnb kwiinyanga eziyi-12 ezidlulileyo.
• Ugcine umyinge womlinganiselo weenkwenkwezi eziyi-4.8 okanye ezingakumbi ovela kwiindwendwe kwiinyanga eziyi-12 ezidlulileyo kuzo zonke izindlu obuka kuzo iindwendwe okanye oncedisa kuzo ekubukeni iindwendwe okwazi ukungena ngokupheleleyo okanye kwikhalenda nokuthumela imiyalezo.
• Umlinganiselo wakho wokurhoxa ube ngaphantsi kwe-3%, xa zingabalwa izizathu ezithile ezivakalayo ezingaphaya kwamandla akho.
• Iakhawunti yakho yakwa-Airbnb ikwimeko entle. Kufuneka kuqinisekiswe ukuba ungubani, ibe kufuneka uzifikelele izinto ezifuneka emagameni nakwiifoto ukuze ziboniswe kwinethiwekhi.

Nguwe ekufuneka azi ukuba yeyiphi imithetho yasekuhlaleni ekuchaphazelayo uze ube nazo zonke iilayisensi, iimvume, nezinto ekufuneka uzibhalisele. Ngokomzekelo, ezinye iindawo zisenokufuna iilayisensi zabantu abathengisa izindlu ngokuxhomekeke kwiinkonzo zakho.

Funda ngokuqesha umntu oncedisayo ekubukeni iindwendwe

Funda imimiselo Yenethiwekhi Yababuki Zindwendwe Abancedisayo uze ufunde nge-algorithm yokukhangela, yokuqinisekisa ukuba ungubani, kunye nezizathu ezifanelekileyo zokurhoxisa Kwiziko Loncedo.

Inethiwekhi Yababuki Zindwendwe Abancedisayo ifumaneka eFransi, eSpeyini, eItali, eJamani, eUnited Kingdom, eOstreliya, eMexico (ixhaswa nguAirbnb Global Services Limited), eKhanada, eMerika (ixhaswa nguAirbnb Living LLC), naseBrazil (ixhaswa nguAirbnb Plataforma Digital Ltda).

Ababuki zindwendwe abakwiNethiwekhi Yababuki Zindwendwe Abancedisayo badla ngokuba nemilinganiselo ephezulu, amazinga okurhoxa aphantsi, namava okubuka iindwendwe kwa-Airbnb. Imilinganiselo isekelwe kwizimvo zeendwendwe zezindlu ababuka kuzo iindwendwe okanye abangababuki zindwendwe abancedisayo kuzo ibe isenokungazimeli iinkonzo ezikhethekileyo zombuki zindwendwe oncedisayo.

Inkcazelo ekweli nqaku isenokuba itshintshile emva kokuba lipapashiwe.