Yenza iprofayile yombuki zindwendwe oncedisayo enika umdla

Iprofayile yakho yombuki zindwendwe oncedisayo lithuba lokuzithengisa. Inethiwekhi Yababuki Zindwendwe Abancedisayo isebenzisa i-algorithm elungiselelwe wena ukuze ibonise iiprofayile zababuki zindwendwe abancedisayo basekuhlaleni kuye nabani na ofuna ukuncedwa.

Gqibezela iprofayile yakho yombuki zindwendwe oncedisayo ukuze ivele kwiziphumo zokukhangela. Inkcazelo ekwiprofayile yakho ibonwa ngumntu wonke.

• Igama: Iprofayile yakho yombuki zindwendwe oncedisayo isebenzisa ngokuzenzekelayo igama nefani yakho ekwiakhawunti yakho ka-Airbnb, ngaphandle kokuba ukhetha ukubonisa kuphela igama lakho kwiisetingi zakho zeprofayile yombuki zindwendwe oncedisayo. Ukuze uvele Kwinethiwekhi Yababuki Zindwendwe Abancedisayo, igama lakho eliboniswayo—enoba lelisemthethweni okanye lolikhethayo—kufuneka libe ligama lakho, lingabi ligama leshishini.*
• Intshayelelo yeprofayile: Bhala ingcaciso emfutshane yamava akho okubuka iindwendwe ecacisa ukuba yintoni ekwenza ukhetheke. Ngokomzekelo, “Ndaqalisa ukubuka iindwendwe kwigumbi elingasetyenziswayo. Ngoku, ndinceda nabanye bafumane izimvo ezintle.” Intshayelelo yakho iza kuvela kwiziphumo zokukhangela nasentla kwiprofayile yakho.
• Iinkonzo: Khetha kwiindidi eziyi-10, njengokufaka indlu nokuthumela imiyalezo kwiindwendwe, uze uchaze ngokufutshane indlela ekhetheke ngayo indlela ozenza ngayo izinto. Ngokomzekelo, “Ndiye ndasebenza nabantu bam abacocayo iminyaka engaphezu kwemihlanu, ibe sinendlela esidla ngokuhlola ngayo ukuba yonke into isemgangathweni ngaphambi nasemva kokuhlala kondwendwe lokuqala.”
• Amaxabiso: Chazela ababuki zindwendwe ukuba ubiza malini ngokubhukisha ngakunye ngokunceda ngokuqhubekayo (iyafuneka) nangokulungiselela indlu nganye (akunyanzelekanga).
• Ingingqi yeenkonzo zasekuhlaleni: Faka indawo onokunikezela ngayo ngokwakho ngeenkonzo zokubuka iindwendwe kwiikhilomitha ezimalunga neziyi-100.
• Okungakumbi ngawe: Ungachazela abanye indlela ozibuka ngayo iindwendwe, njengendlela owaqalisa ngayo ukubuka iindwendwe nesona sihlandlo ozidlayo ngaso.

Iprofayile yakho yombuki zindwendwe oncedisayo ikwaquka le nkcazelo.

• Ingxelo manani ebalulekileyo: Ababuki zindwendwe bayakwazi ukubona inani lezindlu ongumbuki zindwendwe okanye ongumbuki zindwendwe oncedisayo kuzo, inani leminyaka ubuka iindwendwe nomlinganiselo opheleleyo weendwendwe kuzo zonke izindlu obe ngumbuki zindwendwe okanye obe ngumbuki zindwendwe oncedisayo kuzo.
• Izinto owahluke ngazo: Ababuki zindwendwe bayakwazi ukubona amawonga wena okanye izindlu ongumbuki zindwendwe okanye ongumbuki zindwendwe oncedisayo kuzo oye wazifumana kwa-Airbnb, ezifana nelithi “iSuperhost kangangeminyaka eyi-8” okanye “Imilinganiselo emihle yeendwendwe zakutshanje.”
• Izimvo zeendwendwe: Ababuki zindwendwe bayakwazi ukubona izimvo zezindlu ongumbuki zindwendwe kuzo okanye ongumbuki zindwendwe oncedisayo kuzo, ukuqala kwezakutshanje. Banako ukuhluza nangomlinganiselo ophezulu okanye ophantsi, baze bakhangele ngamagama aphambili.
• Izindlu zakho: Ababuki zindwendwe bayakwazi ukubona zonke izindlu oncedisa kuzo nexesha oye wangumbuki zindwendwe okanye umbuki zindwendwe oncedisayo ngalo kwindlu nganye.

Iprofayile yakho yombuki zindwendwe oncedisayo itsala ngokuzenzekelayo ifoto yeprofayile ekwiakhawunti yakho ka-Airbnb. Le foto imele ibe kumgangatho ophezulu, ibe yifayile enobukhulu obuya kutsho kwi-100 MB, ibe ayimelanga ibe luzizi. Le foto kufuneka ibubonise ngokucacileyo ubuso bakho.*

Landela ezi zikhokelo:

• Sebenzisa umva oqhelekileyo nokukhanya kwendalo.
• Fota ifoto eme nkqo, uze ushiye indawo yokuba incintshiswe.
• Ungazisebenzisi iifoto ozifote yona, ifleshi, ukukhanya okuvela ngasemva, iimpawu nemifanekiso.
• Sukuziquka izilwanyana zasekhaya nabanye abantu.

*Ukuba ubuka iindwendwe njengeshishini kwiEuropean Economic Area okanye eUnited Kingdom, le nto ifunekayo ayisebenzi.

Funda nge-algorithm yokukhangela Kwiziko Loncedo.

Inethiwekhi Yababuki Zindwendwe Abancedisayo ifumaneka eFransi, eSpeyini, eItali, eJamani, eUnited Kingdom, eOstreliya, eMexico (ixhaswa nguAirbnb Global Services Limited), eKhanada, eMerika (ixhaswa nguAirbnb Living LLC), naseBrazil (ixhaswa nguAirbnb Plataforma Digital Ltda).

Inkcazelo ekweli nqaku isenokuba itshintshile emva kokuba lipapashiwe.