Yenza iprofayile yakho
Emva kokuba ufake isicelo kwaza ukufaneleka kwakho kuqinisekisiwe, uza kwenza iprofayile uze uyifake kwiwebhusayithi yeenkonzo Zababuki Zindwendwe Abancedisayo abanamava.
Iprofayile yakho yenkonzo Yombuki Zindwendwe Oncedisayo sesona sixhobo siphambili unokuthengisa ngaso. Ababuki zindwendwe abakufutshane nabafuna ukuncedwa banokuqhakamshelana nawe ngqo. Gcwalisa iprofayile yakho yenkonzo ngokupheleleyo ukuze uncede Ababuki Zindwendwe baqonde iinkonzo onikezela ngazo.
Ukugcwalisa iprofayili yakho
Qala ngokuqinisekisa ukuba iakhawunti yakho ye-Airbnb inayo inkcazelo yakutshanje. Iprofayile yakho iza kusebenzisa le nkcazelo ilandelayo kwiakhawunti yakho ka-Airbnb:
- Ifoto yeprofayile
- Igama
- Apho uhlala khona
Emva koko, faka ezi zinto zilandelayo kwiprofayile yakho yeenkonzo Zombuki Zindwendwe Oncedisayo:
- Intshayelelo yeprofayile. Bhala ngokufutshane ngamava akho okubuka iindwendwe nangezinto ezibonisa ukuba uqeqeshwe ngokukhethekileyo. Le nto iza kuvela xa Ababuki Zindwendwe bekhangela uncedo naphezulu kwiprofayile yakho.
- Iinkonzo. Khetha kwiindidi ezilithoba uze uquke inkcazelo emfutshane yendlela ekhetheke ngayo indlela ozenza ngayo izinto.
- Amaxabiso. Chazela Ababuki Zindwendwe ukuba udla ngokubiza malini ngokunceda ngokuqhubekayo nokuseta indlu.
- Ingingqi onikeza kuyo ngeenkonzo. Faka iindawo onokunikezela ngazo ngokwakho ngeenkonzo zokuncedisa ekwamkeleni iindwendwe kwiikhilomitha eziyi-100 (malunga neemayile eziyi-60).
Ukuze ugqibezele uze udibane Nababuki Zindwendwe, kufuneka ugcwalise icandelo lesibini leprofayile yakho yeenkonzo. Le nto iquka iinkcukacha zokwexeshana eziza kubonakala kwiprofayile yakho kude kube ngo-Oktobha, kuquka ifoto, igama, iinkukacha ngeenkonzo, amaxabiso, nengingqi onikeza kuyo ngeenkonzo.
Ngo-Oktobha, siza kukhulula iprofayile yeenkonzo elungisiweyo ukuze sikuncede ubalaselise iinkonzo onikezela ngazo.
Ukufota ifoto yeprofayile entle
Ifoto yeprofayile yakho kufuneka ibe kumgangatho ophezulu. Landela ezi zikhokelo ziluncedo kwifoto yeprofayile yakho kwiakhawunti yakho ka-Airbnb nakwiprofayile yeenkonzo Yombuki Zindwendwe Oncedisayo:
- Nguwe wedwa kule foto, ize ibe sesiphakathini sefreyimu
- Ime nkqo, ikwazi nokucutheka
- Kukho umva oqhelekileyo onokukhanya kwendalo (umthunzi ophandle uyafaneleka)
- Ayiyofoto umntu azifote ngokwakhe (cela ukufotwa ngomnye umntu, okanye usebenzise i-timer)
Ukuze ingasokolisi, sukuyisebenzisa i-flash, sukuzisebenzisa izibane zangasemva, ii-logo neefoto ezibanzi kakhulu.
Ukunxibelelana Nababuki Zindwendwe
Nantsi indlela Ababuki Zindwendwe abakwingingqi yakho abaza kukwazi ukukufumana ngayo:
Kwiphepha lokuqala Lababuki Zindwendwe Abancedisayo abanamava, Ababuki Zindwendwe bacofa iqhosha elithi “Khangela Umbuki Zindwendwe Oncedisayo okufutshane nawe” baze bafake idilesi yendlu yabo.
- Ukuba ukufuphi, Ababuki Zindwendwe banokuyifumana iprofayile yakho, kuquka igama lakho, ifoto, inkcazelo ngawe nemali omele uyibhatalwe.
- Ababuki zindwendwe bathumela umyalezo Kumbuki Zindwendwe Oncedisayo omnye nangaphezulu ukuze bacele uncedo.
UAirbnb ukwasebenzisa amaphulo akwi-intanethi nee-imeyile ezijoliswe kubo ukuze achazele Ababuki Zindwendwe Ngababuki Zindwendwe Abancedisayo abanamava.
Inkcazelo ekweli nqaku isenokuba itshintshile emva kokuba lipapashiwe.