Sebenzisa izixhobo zakwa-Airbnb zokuncedisa ekubukeni iindwendwe

Into ebalulekileyo ekubeni Ngumbuki Zindwendwe Oncedisayo onamava ophumelelayo kukwenza isigqibo ngendlela wena Nombuki Zindwendwe eniza kwawahlula ngayo umsebenzi wokulawula indlu.

Ngaba wena Nombuki Zindwendwe niza kuthumelela iindwendwe imiyalezo, okanye ngomnye wenu oza kwenza loo nto? Ngaba nguwe oza kulawula yonke indlu uze uqhakamshelane Nombuki Zindwendwe kuphela xa kukho iingxaki ezithile, njengezicelo zokubuyiselwa imali? 

Nokuba ugqiba entwenini, uAirbnb unezixhobo zokunceda ekwenzeni ukubuka iindwendwe kube lula.

Xa Umbuki Zindwendwe ekumema ukuba uncedise ekubukeni iindwendwe kwindlu yakhe, uza kucelwa ukuba akhethe izinto onokuzisebenzisa. Iindlela onokukhetha kuzo zezi:

• Zonke iimvume
• Ukungena kwikhalenda nakwimiyalezo
• Ukungena kwikhalenda kuphela

Xa unemvume epheleleyo, ungenza ezi zinto: 

• Ungenza indawo entsha
• Unganxibelelana neendwendwe, ungafaka iimpendulo ezikhawulezayo nemiyalezo ebekelwe ixesha uze ufumane imiyalezo
• Ungalungisa ikhalenda
• Ungahlola ingxelo yemali engenileyo nephumileyo
• Ungalawula indlu, kuquka amaxabiso nezinye iinkcukacha

• Ungalawula ukubhukisha, kuquka ukwamkela nokungazamkeli izicelo zohambo, ukurhoxisa nezicelo Zeziko Lezemali

• Ungafaka uze ulawule izicelo zokubuyiselwa imali phantsi kweInshorensi yokukhuselwa kombuki zindwendwe kumonakalo egameni Lombuki Zindwendwe*
• Ungafaka okanye ususe abanye Ababuki Zindwendwe Abancedisayo, ulungise iimvume, uze uzibeke wena okanye omnye Umbuki Zindwendwe Oncedisayo njengoyena Mbuki Zindwendwe wendlu

Nokuba unemvume epheleleyo, awunakukwazi:

• Ukuseta okanye ukulungisa imali emele ibhatalwe omnye Umbuki Zindwendwe Oncedisayo
• Ukuhlola okanye ukutshintsha indlela yokubhatalwa yomnikazi wendlu okanye indlela yokubhatalwa yomnye Umbuki Zindwendwe Oncedisayo okanye inkcazelo yomrhafi

Licebo elihle ukuceba ukuba ngubani oza kuphendula iindwendwe okanye abanye abantu—naxa kutheni. Cacisa enoba uza kwenza yonke okanye inxalenye yale misebenzi:

• Ukuthumela imiyalezo zonke iintsuku, ukuphendula imibuzo, nokulungisa iingxaki neendwendwe
• Ukuphendula izicelo zokubhukisha xa indlu ingamsebenzisi Uvel' Ubhukishe
• Ukuthumela izicelo zokubuyiselwa imali (nangona ingabanikazi bezindlu kuphela abanokuzilawula xa zifakiwe)
• Ukuqhakamshelana noAirbnb Support ukuze ucele ukuncedwa
• Ukulawula abanye Ababuki Zindwendwe Abancedisayo

USabrina, Umbuki Zindwendwe Oncedisayo onamava eDenver, eColorado, ukufumanisa ukuba kuluncedo ukuba kubekho umntu omnye onxibelelana neendwendwe. Ngaloo ndlela, uthi, “sisoloko sithetha into enye ngeepolisi ezifana nezesaphulelo, nezokubuyiselwa imali nezeengxaki zeendwendwe.” 

Kunokuvela iingxaki xa kungekho cebo licacileyo. UDominic, Umbuki Zindwendwe Oncedisayo onamava eCornwall, eNgilani uthi, “Xa kukho abantu ababini abohlulelane ngolu hlobo lomsebenzi, kusenokubhidana izitya. Zivela xa kulapho ke iingxaki, abantu abacocayo abangalungelelaniswanga, izinto nje ezifana nezo.”

Ababuki zindwendwe bangahlulelana ngemali abayibhatalwayo kuAirbnb ngenye yezi ndlela zine:

• Ngokwahlulelana ngemali yokucoca
• Ngokwahlulelana ngemali yokucoca nangepesenti yemali yokubhukisha
• Ngokwahlulelana ngepesenti ethile yemali nganye oyibhatalwayo (kuquka okanye engayiqukiyo imali yokucoca)
• Ngokwahlulelana ngemali eqingqiweyo yemali nganye oyibhatalwayo

Ngababuki Zindwendwe abangabanikazi bezindlu kuphela abanokuseta ukubhatalwa. Kusenokubakho imiqathango ngokusekelwe kwindawo akuyo Umbuki Zindwendwe, Umbuki Zindwendwe Oncedisayo nendlu.

Uneentsuku eziyi-14 zokuba uqinisekise okanye ungamkeli imali ecetyiswa ukuba ibhatalwe umbuki zindwendwe oncedasayo ecetyiswe ngumnikazi wendlu ngaphambi kokuba iphelelwe lixesha. Ukuba uyayala ibe usafuna ukubhatalwa kwa-Airbnb, umnikazi wendlu kuza kufuneka athumele iinkcukacha ezintsha zemali athi umele uyibhatalwe.

Ukuze ubhatalwe, kufuneka ufake ubuncinane indlela enye yokubhatalwa ibe xa kufuneka, qinisekisa ukuba nguwe nyhani uze ufake inkcazelo yomrhafi.

Emva kokuba uyiqinisekisile indlela obhatalwa ngayo, uza kuqalisa ukubhatalwa ngokubhukisha malunga neeyure eziyi-24 emva kokuba kubhalisiwe xa kufikwa. Ukuba umnikazi wendlu uyayitshintsha imali emele ibhatelwe Umbuki Zindwendwe Oncedisayo, loo nto iza kusebenza kuphela ekubhukisheni okuqala emva kokuba uyamkele loo nto itshintshiweyo.

Inkcazelo ekweli nqaku isenokuba itshintshile emva kokuba lipapashiwe.

*Ababuki Zindwendwe Abancedisayo bezindlu eziseJapan abakwazi ukwenza, ukulawula okanye ukulungisa izicelo zezinto ezonakeleyo okanye ezilahlekileyo Kwiziko Lezemali okanye izicelo zokubuyiselwa imali phantsi kweInshorensi yokukhuselwa kombuki zindwendwe kumonakalo egameni Lababuki Zindwendwe.

I-Inshorensi yokukhuselwa kombuki zindwendwe kumonakalo ayiyopolisi yeinshorensi. Ayibakhuseli Ababuki Zindwendwe abaneendawo zokuhlala eJapan, apho kusebenza i-Inshorensi Yababuki Zindwendwe baseJapan. Kubabuki Zindwendwe abaneendawo zokuhlala kwimimandla yaseTshayina, kusebenza i-Inshorensi Yokukhusela Ababuki Zindwendwe baseTshayina. Zonke iimali zezinto ezikhuselwayo zichazwe ngokweedola zaseMerika.

Kwizindlu eziseWashington state, izinto ezifuneka kuAirbnb phantsi kweInshorensi yokukhuselwa kombuki zindwendwe kumonakalo zibhatalelwa yipolisi yeinshorensi ethengwe nguAirbnb. 

I-Inshorensi Yokukhuselwa kombuki zindwendwe kumonakalo inemimiselo, imiqathango nezinto engazibhataleliyo ngaphandle kwakuBabuki Zindwendwe abahlala okanye abanendawo yokuhlala eseOstreliya. Kubabuki Zindwendwe abanjalo, i-Inshorensi yokukhuselwa kombuki zindwendwe kumonakalo ixhomekeke kule mimiselo, kule miqathango nezi zinto zingabhatalelwayo.