Nceda abanye ababuki zindwendwe uze wenze imali ngendlela ofuna ngayo
Ababuki zindwendwe abancedisayo ngababuki zindwendwe abakumgangatho ophezulu, basekuhlaleni abancedisa ekubukeni iindwendwe ngendlela oyithandayo. Ababuki Zindwendwe abancedisayo bayakhetha ukuba zeziphi iinkonzo abanikezela ngazo nokuba baza kubiza malini. Yiba ngumbuki zindwendwe oncedisayo uze wenze imali engakumbi usebenzisa izakhono osele uzakhile ngokubuka iindwendwe.
Ukuba ngumbuki zindwendwe oncedisayo
Cela ukujoyina iwebhusayithi yeenkonzo zababuki zindwendwe abancedisayo. Ukuba uyafaneleka, uza kucelwa ukuba wenze iprofayile yenkonzo xa ujoyina. Iprofayile yakho lithuba lokuzithengisa uze uchaze ukuba yintoni ekwenza ube ngumbuki zindwendwe oncedisayo onobuchule. Ababuki zindwendwe abafuna ukuncedwa kwingingqi yakho bangafunda ngakumbi ngawe, babuze imibuzo baze bacele iinkonzo zakho.
Xa ufaka iinkonzo kwiprofayile yakho, ungabhala iinkcukacha ngezinto ozenzayo. Iinkonzo zokuncedisa ekubukeni iindwendwe ziquka:
- Ukufaka indlu
- Ukuseta amaxabiso nexesha ofumaneka ngalo
- Ukulawula izicelo zokubhukisha
- Ukuthumelela iindwendwe imiyalezo
- Ukunceda iindwendwe ukwindawo ubuqu
- Ukucoca nokuhoya indlu
- Ukufotelwa indlu
- Ukulungisa nokuhombisa indlu ngaphakathi
- Iilayisensi neemvume zokubuka iindwendwe
Njengombuki zindwendwe oncedisayo, uzisebenzela ngesantya sakho. Uza kukwazi ukusebenzisa izixhobo ezikwenza ukwazi ukuthumela umyalezo kubabuki zindwendwe, uncedise ekuqaliseni nasekugcineni indlu uze ufumane inxalenye yemali ebhatalwayo ngokubhukisha ngakunye.*
Indlela yokuqalisa
Iwebhusayithi yeenkonzo zababuki zindwendwe abancedisayo ifumaneka eOstreliya, eBrazil, eKhanada, eFransi, eJamani, eItali, eMexico, eSpeyini, eUK, naseMerika. Ukuba uhlala kwenye indawo, sichazele ukuba unomdla wokuba ngumbuki zindwendwe oncedisayo, kwaye siza kuqhakamshelana nawe xa sifikelela kwindawo yakho.
Kufuneka ufikelele ezi zinto zilandelayo ukuze ujoyine iwebhusayithi:
- Uye wamkela iindwendwe eziyi-10 nangaphezulu njengombuki zindwendwe okanye njengombuki zindwendwe oncedisayo kuAirbnb kwiinyanga eziyi-12 ezidlulileyo ibe usafaneleka.
- Ugcine umyinge womlinganiselo weenkwenkwezi eziyi-4.8 okanye ongakumbi kuzo zonke iiakhawunti nezindlu ngelo xesha.
- Umlinganiselo wakho wokurhoxa ube ngaphantsi kwe-3%, xa zingabalwa izizathu ezithile ezivakalayo ezingaphaya kwamandla akho.
Nguwe ekufuneka azi ukuba yeyiphi imithetho ekuchaphazelayo uze ube nazo naziphi na iilayisensi, iimvume, okanye ukubhalisa okufunekayo ukuze ube ngumbuki zindwendwe oncedisayo kwingingqi yakho. Ngokomzekelo, ilayisensi yomntu othengisa izindlu okanye efanayo isenokufuneka kuxhomekeka kuhlobo lweenkonzo onikezela ngazo nendawo ozinikezela kuyo. Funda okungakumbi kwimimiselo yeenkonzo.
Ukulungele ukuqalisa?
Le yinkonzo yewebhusayithi, exhaswa nguAirbnb Living LLC, nguAirbnb Global Services Limited, nanguAirbnb Plataforma Digital Ltda.
*Ababuki zindwendwe bangakhetha ukusebenzisa izixhobo zika-Airbnb zababuki zindwendwe abancedisayo, eziquka ukukwazi ukwahlulelana nombuki zindwendwe oncedisayo ngenxalenye yemali oyibhatalwayo ngokubhukisha ngakunye. Kukho imiqathango yokwahlulelana ngemali oyibhatalwayo kuAirbnb kuxhomekeka kwindawo akuyo umbuki zindwendwe nendawo akuyo umbuki zindwendwe oncedisayo, okanye indawo indlu ekuyo. Funda okungakumbi
Inkcazelo ekweli nqaku isenokuba itshintshile emva kokuba lipapashiwe.