Indlela yokuseta ukubekwa kwexabiso
Ixabiso yenye yezinto eziphambili iindwendwe eziyijongayo xa zikhetha indawo yokuhlala. Nokuba ingantle kangakanani indawo yakho, ukuba iyadura xa ithelekiswa neendawo ezikufutshane, maninzi amathuba okuba uphoswe kukubhukisha.
Ngo-2022, izindlu ebezinamaxabiso alungiswe ubuncinane izihlandlo ezine zibe ne-30% engakumbi yeentsuku ezibhukishiweyo kunezo zingakhange zibhukishwe.* Khawuzame la macebiso ukuze ubone eyona ndlela yokubeka amaxabiso akusebenzelayo.
Yazi indawo yakho
Qala ngokukhangela kuAirbnb amaxabiso osuku ezindlu ezifana neyakho kwingingqi yakho. Cinga ngezinto onikezela ngazo, eziquka:
- Uhlobo lwendlu yakho: indlu, iflethi okanye indlu ekwicomplex, njl., njl.
- Ubungakanani bendawo eziza kuba kuyo iindwendwe: indlu yonke, igumbi lokulala, njl njl.
- Inani leendwendwe ezinokulala kwindawo yakho zingaxinananga: inani leebhedi namagumbi okulala onawo
- Izinto zakho ezinokusetyenziswa eziphambili: iwifi, ikhitshi, ukuvunyelwa kwezilwanyana zasekhaya, njl., njl.
Xa uthelekisa amaxabiso, khetha iintsuku ezikwiinyanga ezimbalwa ezizayo ukuze uqonde ngokupheleleyo ukuba athini amaxabiso. Izindlu ezisafumanekayo kwiveki ezayo okanye ezimbini zisenokungabhukishwa kuba ixabiso lazo liphezulu kakhulu.
Ukuqwalasela ukuba abanye Ababuki Zindwendwe babiza malini ngamaxesha ahlukeneyo onyaka kunokukunceda utshintshe amaxabiso ngexesha elithile lonyaka, ngeempela-veki nangexesha lamatheko akhethekileyo okanye ngeeholide. Izinto ezithandwayo kuhambo zindwendwe kwingingqi yakho ziye zaphawulwa kwindawo Yamathuba akho.
Faka elona xabiso lifanelekileyo
Ixabiso losuku olibekayo aliyiyo yonke imali eza kubhatalwa zindwendwe. Ixabiso elipheleleyo liquka naziphi na iimali ezinokubhatalwa (ngokucoca, ngeendwendwe ezongezelelekileyo, okanye ngezilwanyana zasekhaya) osenokuzifaka, nemali oyibhatalela ukusebenzisa uAirbnb.
Iindwendwe zinokukhetha ukubona amaxabiso apheleleyo kwangaphambili kwiindawo apho imithetho yasekuhlaleni ingekayifuni loo nto. Amaxabiso akhuphisana namanye anokunceda indlu yakho ibalasele ize ibe kwizinga eliphezulu kwiziphumo zokukhangela, nto leyo eyenza ixabiso elipheleleyo nomgangatho wendlu zibe phambili xa kuthelekiswa nezindlu ezifana nayo kulo ngingqi.
Zama ezi zixhobo zokubeka amaxabiso
Izaphulelo nezaphulelo ezifumaneka kube kanye
Izaphulelo nezaphulelo ezifumaneka kube kanye zikwenza ukuba ube namaxabiso aphantsi phantsi kweemeko ezithile ngaphandle kokutshintsha ixabiso lakho eliqhelekileyo losuku. Ezi zixhobo zinceda kwiimeko ezahlukeneyo, njengasekwamkeleni iindwendwe zakho zokuqala okanye ekwamkeleni iindwendwe eziza kuhlala ixesha elide.
Ukuhlala ixesha elide: Ukuba nezaphulelo zeveki nezenyanga kunokukhokelela ekubeni kuhlalwe ngakumbi, kwehle ukulungiselela iindwendwe ezilandelayo, nomsebenzi omele uwenze ube mncinci. Ukubhukisha kweveki okanye ngaphezulu kufike kwi-46% yeentsuku ezibhukishwe kuAirbnb ngo-2022.
Izindlu ezintsha: Ukubhengeza indlu entsha ngesaphulelo se-20% kwixabiso lakho losuku kunokunceda kutsale iindwendwe zakho ezintathu zokuqala ukuba zibhukishe. Inkcazelo ka-Airbnb ibonisa ukuba Ababuki Zindwendwe abanikezela ngesi saphulelo sifumaneka kube kanye kwiintsuku eziyi-30 zokuqala indlu isebenza bafumana ukubhukishwa kwabo kokuqala ngokukhawuleza.
Izaphulelo nezaphulelo ezifumaneka kube kanye ezifumanekayo kwindlu yakho zinokusetwa kwikhalenda yakho yokubuka iindwendwe.
Qala uhlole ukuba iindwendwe zibhatala malini
Ungajonga ukuba utshintsho olwenzayo lulichaphazela njani ixabiso lokugqibela elibhatalwa zindwendwe, kuquka zonke iimali ezimele zibhatalwe neerhafu. Esi sixhobo siluncedo ngakumbi xa ufaka isaphulelo okanye isaphulelo esifumaneka kube kanye.
Ukuze usisebenzise esi sixhobo, yiya kwiisetingi zakho zamaxabiso uze ukhethe indawo ethi “Hlola imali ebhatalwa zindwendwe.” Faka iinkcukacha zokubhukisha, ezinjengenani leendwendwe neentsuku ezibhukishiweyo, ibe uza kuboniswa ukwahlulahlulwa kwexabiso elipheleleyo elibhatalwa lundwendwe nemali oza kuyibhatalwa.
*Ngokusekelwe kwizindlu ezisemhlabeni wonke (ngaphandle kweziseTshayina, eRashiya naseUkraine) ebezinosuku olunye okanye olungakumbi obelufumaneka ukususela ngoJanuwari ukuya kutsho ngoSeptemba 2022 ibe ebezingayisebenzisi Indlela Ephucukileyo Yokubeka Ixabiso. Ezinye izinto ezichaphazela iintsuku ezibhukishiweyo.
Inkcazelo ekweli nqaku isenokuba itshintshile emva kokuba lipapashiwe.