Ukufaka indlela elula yokubhalisa xa kufikwa esebenziseka ngalo lonke ixesha

Njengenxalenye yemithetho ebekiweyo Yababuki Zindwendwe, ufanele unike iindwendwe inkcazelo eziyidingayo ukuze zingene kwindawo yakho ngexesha lokubhalisa xa zifika nasebudeni bokuhlala kwazo. Ababuki Zindwendwe abaphumelelayo badla ngokuba nendlela yokuzingenela, besebenzisa izixhobo ezifana nokusebenzisa ifowuni okanye ngokufaka ikhowudi emnyango, iindawo zokufaka ikhowudi emnyango okanye ibhokisi enesitshixo ibe baba necebo lesibini xa kunokwenzeka kubekho into engahambi kakuhle.

Yenza indlela elula yokubhalisa xa kufikwa uze uyivavanye ukuze uqinisekise ukuba zonke iindwendwe ziza kukwazi ukuyisebenzisa ngawo onke amaxesha.

• Sebenzisa iapp ka-Airbnb ukuze ubhale imiyalelo yokubhalisa xa kufikwa enenyathelo ngalinye yendlu yakho. Le app iza kukucela ukuba ufake iifoto zenkqubo yakho yokubhalisa xa kufikwa nemiyalezo emifutshane yokubonisa ukuba kwenziwa njani, iindwendwe ezinokuyifumana ngokulula.

• Faka idilesi echanileyo nepini yendawo ekuyo indlu yakho. Ukuba indawo yakho ikude okanye akukho nethiwekhi yefowuni kufutshane, faka imiyalelo echanileyo ukuze uphephe ukubhidana kwezitya.

• Thumela imiyalelo yokubhalisa xa kufikwa ubuncinane kwiintsuku ezintathu kusengaphambili. Qinisekisa kwiindwendwe ukuba ziyifumene uze ubuze ukuba zinayo na imibuzo.

• Fumaneka ngexesha lokubhaliswa xa kufikwa. Ukuba kukho nantoni na engahambi kakuhle, uza kufuna ukufumaneka ukuze ukwazi ukuyilungisa ngokukhawuleza.

Enye indlela yokwenza ukubhalisa xa kufikwa kube lula kukufaka indlela ephucukileyo yokutshixa okanye ikhowudi emnyango evumela iindwendwe zivule umnyango wangaphambili ngekhowudi. Ngaphambi kokuba kubhaliswe xa kufikwa, ungayitshintsha ikhowudi uze uthumelele undwendwe umyalezo uluchazela ngenombolo yakho ekhethekileyo.

Hlala ujonga ukuba zonke izinto ziyasebenza. Enoba uxhomekeke kwizixhobo okanye wamkela iindwendwe ngokwakho, kungcono ukuba nebhokisi enesitshixo sesibini.