Ukulawula ixabiso lakho

Ngokweenkcukacha zethu, izindlu ezinamaxabiso alungiswe ubuncinane izihlandlo ezine ngonyaka zibe ne-30% engakumbi yeentsuku ezibhukishiweyo kunezo zingakhange zibhukishwe.* Ukufaka isaphulelo kunokunceda ekuphuculeni indawo ekuyo indlu yakho kwiziphumo zokukhangela zika-Airbnb.

Abanye Ababuki Zindwendwe abanezindlu ezininzi basichazela ukuba abawalungisi amaxesha amaninzi amaxabiso abo kuba kukuthatha ixesha ukuwalungisa. Izaphulelo yindlela elula yokutshintsha ixabiso lakho losuku kwiimeko ezithile. Ibe imithetho ikunceda ulungise indlela ozibekela ngayo amaxabiso ngendlela efanelekileyo.

Ungaseta izaphulelo zendlu yakho ngqo kwikhalenda yakho okanye kwithebhu ethi Amathuba. Cinga nezinto isaphulelo ngasinye esinceda ngazo ukuze ubone ukuba zeziphi ezilungele izindlu zakho. 

• Isaphulelo seentsuku eziza kuhlalwa: Nikezela ngezaphulelo zazo zonke iintsuku ezisusela kwiintsuku ezimbini ukuya kwiiveki eziyi-12, kuquka izaphulelo zeveki nezenyanga. Le nto inokwandisa umyinge weentsuku eziza kuhlalwa kwizindlu zakho ize inciphise amathuba okungena nokuphuma kweendwendwe.
• Isaphulelo onokusikhupha xa sele kuza kungenwa: Nciphisa ixabiso lakho losuku njengoko usuku lokungena lusondela. Le nto inceda ekugcwaliseni naziphi na iintsuku ezingabhukishwanga ize inyuse ingeniso. Kwizaphulelo ze-10% okanye ezingaphezulu, iindwendwe zibona uphawu olukhethekileyo kwindlu yakho.
• Isaphulelo sababhukishe kwangethuba: Faka isaphulelo ekubhukisheni okwenziwe kwinyanga enye ukuya kweziyi-24 ngaphambi kukuba kubhaliswe xa kufikwa, uze wenze ube neentsuku ezininzi ezibhukishiweyo kumaxesha onyaka azayo. Kwizaphulelo ze-3% okanye ezingaphezulu, iindwendwe ziza kubona uphawu olukhethekileyo kwindlu yakho.
• Isaphulelo esifumaneka kube kanye sendlu entsha: Nikezela ngesaphulelo se-20% xa kubhukishwa izihlandlo ezithathu zokuqala kwizindlu ezintsha. Nceda izindlu zakho zibhukishwe zize zifumane izimvo ngokukhawuleza.
• Isaphulelo esifumaneka kube kanye esikhethekileyo: Nguwe okhetha iintsuku nepesenti yesaphulelo kwixabiso lakho. Kwizaphulelo ze-15% nangaphezulu, iindwendwe ziza kubona uphawu olukhethekileyo kwindlu yakho.
• Isaphulelo esingabuyiselwayo: Ukongezelela kwipolisi yakho yokurhoxa, nikezela ngesaphulelo se-10% kwixabiso lakho uze ugcine imali oyibhatalwayo kungakhathaliseki ukuba iindwendwe zirhoxe nini.

Indawo iindwendwe ezifumana izaphulelo kuyo ixhomekeka kwipesenti yesaphulelo.

• I-1% okanye ngaphezulu: Iindwendwe zifumana inkcazelo yendlela isaphulelo esahlulahlulwe ngayo kwizindlu zakho (ukuba azisele zilibona ixabiso lakho elipheleleyo) naxa zibhatala. Le nto ayenziwa isaphulelo onokusikhupha xa sele kuza kungenwa.

• I-10% okanye ngaphezulu: Iindwendwe zibona ixabiso lakho losuku elikrweliweyo kwiziphumo zokukhangela nakwindlu yakho, nayo yonke le nto ingasentla.

• I-20% nangaphezulu: Iindwendwe ezikhangele izindlu kwingingqi yakho kutshanje zisenokubona izindlu zakho ezifakwe kwii-imeyile zika-Airbnb, nayo yonke into engasentla.

Ukususela ngoNovemba 2023, malunga nekota yeentsuku ezibhukishwa xa kuza kuhlalwa ixesha elide ibizezohambo lweenyanga ezintathu okanye ngaphezulu. Iindwendwe ezinomdla wokuhlala ixesha elide zidla ngokukhangela izindlu ezinezaphulelo.

Ukuba awufuni ukufaka isaphulelo kuzo zonke iintsuku ezifumanekayo, imithetho ikuvumela ukuba ulungise amaxabiso akho osuku neesetingi zekhalenda ngokuxhomekeka kwizinto ezithile. Ungasebenzisa imithetho kwizindlu ezininzi okanye kwindlu enye.

Cinga ngexesha lonyaka xa ugqiba ngendlela yokusebenzisa imithetho. Ngokomzekelo, masithi ukufunwa kwendawo kwingingqi yakho kutshintsha ngokwexesha lonyaka. Unokwenza imithetho elungisa iisetingi zakho ngamaxesha apho ukubhukisha kudla ngokucotha. Usenokukhetha ukufaka izaphulelo zababhukishe kwangethuba nezeentsuku eziza kuhlalwa, wandise elona xesha lide elinokuhlalwa, uze uvume kubhukishwe ngosuku ekuza kuhlalwa ngalo ukuze utsale iindwendwe ukuba zibhukishe iintsuku zakho ezifumanekayo.

Ukongezelela kwizaphulelo, ungazitshintsha ezi setingi zeentsuku ofumaneka ngazo kwimithetho.

• Izinto ezifunwa kubude bexesha lohambo: Beka inani lezona ntsuku zimbalwa okanye zininzi ezinokuhlalwa, onokuzilungiselela lona ngokosuku. 
• Izinto ezifunekayo xa kufikwa naxa kuphunywa: Khetha iintsuku iindwendwe ezinokubhalisela ukufika nokuphuma ngazo. 

Ukuze usebenzise imithetho, qinisekisa ukuba ukhethe ukusebenzisa izixhobo zamashishini okubuka iindwendwe. (Ukuba unezindlu ezintandathu nangaphezulu, ufakwa ngokuzenzekelayo.) Ezi zixhobo zifumaneka kwikhompyutha kuphela. 

Xa kusetyenziswa imithetho, iza kucima naziphi na iisetingi zexabiso losuku nezexesha ofumaneka ngalo ezisele zikho, kuquka Nendlela Ephucukileyo Yokubeka Ixabiso.

Ukuze wenze imithetho emitsha:

1. Yiya kwindawo ethi I-multi-calendar.
2. Khetha iintsuku ongathanda ukusebenzisa imithetho kuzo.
3. Kwiphaneli, khetha imithetho.
4. Cofa indawo ethi Yenza imithetho emtsha.
5. Thiya loo mithetho igama (elifana nelithi “Ixesha lonyaka elixakekileyo”). 
6. Ecaleni komthetho ofuna ukuwufaka, cofa indawo ethi Wenze ulungele wena.
7. Faka imithetho yamaxabiso neyeentsuku ofumaneka ngazo.
8. Cofa indawo ethi Gcina.
9. Ukuze ususe umthetho, cofa indawo ethi Rhoxisa.

Ukuze ulungise imithetho ekhoyo:

1. Yiya kwindawo ethi I-multi-calendar.
2. Cofa indawo ethi imithetho.
3. Yiya kwimithetho ongathanda ukuyilawula, uze ucofe indawo ethi Lungisa.

*Isekelwe kwinkcazelo ka-Airbnb yezindlu ezisebenzayo ukususela ngoJulayi 2022

Ukuba usebenzisa i-software ekonekthwe kwiAPI, uza kukwazi ukuzisebenzisa ezi zinto kwi-software yakho ukuba inkampani enikezela ngazo izenze zafumaneka. Ukuba ayiyenzanga loo nto, qhakamshelana nayo ukuze wazi ukuba ziza kufumaneka nini. Izaphulelo ezifumaneka kube kanye ezikhethekileyo zinokusetyenziswa ngqo kuAirbnb. Ezinye izinto zokuthengisa, ezifana nokukrwelwa kwexabiso, zisenokungaboniswa kwizaphulelo ezifumaneka kube kanye kwezinye iindawo.

Inkcazelo ekweli nqaku isenokuba itshintshile emva kokuba lipapashiwe.