Ukuqonda Uvel' Ubhukishe
Uvel' Ubhukishe uvumela iindwendwe ukuba ziyibhukishe kwangoko indawo yakho ngeentsuku ezifumanekayo. Akukho mfuneko yokuba uhlole uze wamkele isicelo sokubhukisha ngasinye, nto leyo eyonga ixesha. Iindwendwe ezininzi ziyayithanda indlela ekulula ngayo ukusebenzisa uVel' Ubhukishe.
Indlela asebenza ngayo uVel' Ubhukishe
Ungamvula okanye umvale nanini na uVel' Ubhukishe. Lungisa iisetingi zakho zokubhukisha kwithebhu Yezindlu.
Xa usebenzisa uVel' Ubhukishe, zonke iindwendwe ezibhukishayo kufuneka zigqibe inkqubo ka-Airbnb yokuqinisekisa ukuba zingoobani, zivumelane nemithetho yekhaya lakho zize zifikelele izinto ozifuna kundwendwe lwakho.
Ungaseta izinto ozifunayo ukuze uVel' Ubhukishe afumaneke kuphela kwiindwendwe ezinengxelo entle. Loo nto ithetha ukuba sele ehleli ubuncinane kanye endaweni ibe akafumananga zimvo zimbi.
Ukuba ufuna isazisi sikarhulumente ngexesha lokubhalisa xa undwendwe lufika ngokoqobo, okanye ukuba siyafuneka kwindawo ekuyo indlu yakho, ungasicela kwiindwendwe ngokuzithumelela umyalezo usebenzisa ithebhu yakho yeMiyalezo.
Kuza kufuneka ugcine ikhalenda yakho isexesheni xa usebenzisa uVel' Ubhukishe. Cinga ngokudibanisa ikhalenda yakho ka-Airbnb nazo naziphi na ezinye iikhalenda ozisebenzisayo. Le nto ikunceda uphephe ukubhukishwa ungalindelanga okanye ukurhoxisa ukubhukisha ngenxa yokuba kucwangciswe ngempazamo, nto leyo enokuphumela kwimali ebhatalelwa ukurhoxa nezinye iziphumo.
Ungakwazi ukurhoxisa ukubhukisha kungabikho miphumo xa unezizathu ezivakalayo, njengondwendwe oluyenza icace into yokuba luza kophula nokuba mnye kwimithetho yekhaya lakho. Ungalibali ukuba awunakuze ukwazi ukurhoxa ngenxa yaso nasiphi na isizathu esaphula ipolisi yokungacaluliyakwa-Airbnb.
Isizathu sokuba usenokuqhubeka ufumana izicelo zokubhukisha
Kukho iimeko ezimbalwa apho unokufumana izicelo zokubhukisha naxa usebenzisa uVel' Ubhukishe:
- Ikhalenda yakho iphelelwe lixesha.
- Usandul' ukurhoxisa ukubhukisha.
- Undwendwe olungazifikeleliyo iimfuno zakho lunokuthumela isicelo sokubhukisha.
Kuza kufuneka uphendule ngokwamkela okanye ngokwala ukubhukisha, okanye ngokubathumelela umyalezo abantu abanokuba ziindwendwe zingekapheli iiyure eziyi-24.
Khetha isetingi yokubhukisha ekulungeleyo
Nguwe olawula ukuba zibhukisha nini ibe njani iindwendwe kwindawo yakho. Nangona Uvel' Ubhukishe enceda izinto zikhawuleze ibe zenzeke kakuhle, abanye Ababuki Zindwendwe basenokufumanisa ukuba izicelo zokubhukisha zibasenzela ngcono bona.
Khetha indlela ekunceda uphephe ukurhoxisa ukubhukisha kweendwendwe ngenxa yezizathu ezinokuphepheka.