Ezithandwa Zindwendwe: Ezona ndawo zithandwayo ngokutsho kweendwendwe

U-Airbnb unezindlu ezingaphezu kwezigidi eziyi-7 emhlabeni wonke. Indawo nganye yahlukile, kwaye le nto yahlukileyo yiyo eyenza uAirbnb ahluke. Kodwa iindwendwe zisixelele ukuba ngenxa yokuba ninzi kweendawo ekunokukhethwa kuzo, kunokuba nzima ukwazi ukuba iza kuba njani indawo eziza kuyifumana. Yiloo nto abantu abaninzi bekhetha iihotele, ibe yeyona nto ehamba phambili ebenza bangabhukishi kuAirbnb.

Enye yeendlela eziphambili zokufumana indawo entle yokuhlala kukwazi ukuba ngawaphi amakhaya athandwa kakhulu zindwendwe. Yiloo nto senze Ezithandwa Zindwendwe.

Ezithandwa Zindwendwe zindawo eziyi-2 miliyoni yezona ndawo zithandwayo kuAirbnb, ngokutsho kweendwendwe.

Izindlu Ezithandwa zindwendwe zisekelwe kwimilinganiselo, kwizimvo, nakwinkcazelo enokuthenjwa ethathwe kwiinkcukacha zezihlandlo zokuhamba ezingaphezu kwehafu yebhiliyoni. Ezithandwa Zindwendwe zilungiswa yonke imihla, ngoko ukuba indlu yakho ayifakwanga ngoku, isenokufakwa kungekudala.

Kukho izinto ezahlukahlukeneyo ezinceda ekuphawulweni Ezithandwa Zindwendwe, ibe ziquka:

• Okungenani izimvo ezintlanu zeendwendwe
• Izimvo ezisemagqabini nemilinganiselo engaphezu kweenkwenkwezi eziyi-4,9 ngokomyinge
• Amanqaku aphezulu avela kwizimvo zeendwendwe okubhalisa xa kufikwa, ococeko, okuchana, okunxibelelana Kwababuki Zindwendwe, endawo ekuyo nawexabiso
• Ingxelo entle yokuthembeka, yomyinge oyi-1% wokurhoxisa Kombuki Zindwendwe neengxaki zenkonzo zabathengi ezinento yokwenza nomgangatho

Ezithandwa Zindwendwe ziyafumaneka emhlabeni wonke, kwaye kulula ukuzifumana kuAirbnb.

Izindlu Ezithandwa Zindwendwe zinebheji kwiziphumo zokukhangela nakwiphepha lendlu. Kukho nesihluzi esitsha esivumela abahambi ukuba bakhangele Ngokukhethekileyo Ezithandwa Zindwendwe. Umbuki Zindwendwe uza kubona ibheji ethi Ezithandwa Zindwendwe kwindlu yakhe ukuba iyafaneleka.

Phantse i-2/3 Yezithandwa Zindwendwe zindawo apho ababuki zindwendwe beziSuperhost, abaziwa ngokubuka iindwendwe ngendlela esemagqabini.

Inkqubo yeeSuperhost yakwa-Airbnb ayitshintshi. Izinto ezifunekayo zokuba yiSuperhost azitshintshi, ibe siza kuqhubeka sijonga indlela eziqhuba ngayo iiSuperhost qho emva kweenyanga ezintathu.

Ukuba uyiSuperhost onendlu equkwe Kwezithandwa Zindwendwe, zombini ziza kugqanyiswa kwiphepha lendlu yakho ibe indlu yakho iza kuba nebheji Yezithandwa Zindwendwe kwiziphumo zokukhangela. Ukuba uyiSuperhost enendlu engakufanelekiyo ukuba Kwezithandwa Zindwendwe okwangoku, useza kuba nebheji yeSuperhost kwiphepha lendlu yakho nakwiziphumo zokukhangela.

Indlu yakho nganye ayizukudityaniswa nezinye xa kusenziwa isigqibo sokuba iyafaneleka na ukuba ifakwe ibheji ethi Ethandwa Zindwendwe.

Ezithandwa Zindwendwe, Ithebhu yezindlu entsha, nezinto ezingakumbi eziphuculiweyo Zababuki Zindwendwe ziyinxalenye Yezinto Ezintsha KuNovemba ZeAirbnb 2023. Qalisa ukusebenzisa ezi zinto zintsha namhlanje ngokukhetha Ukuyifumana Kuqala.

Inkcazelo ekweli nqaku isenokuba itshintshile emva kokuba lipapashiwe.