Fumana umbuki zindwendwe oncedisayo ofanelekileyo kuAirbnb

Ngoku ungafumana ngokulula uze uqeshe umbuki zindwendwe oncedisayo ukuze ancedise ekuhoyeni indawo neendwendwe zakho, kwiapp.

Inethiwekhi Yababuki Zindwendwe Abancedisayo ikudibanisa nababuki zindwendwe abancedisayo abakumgangatho ophezulu basekuhlaleni abakunceda ngokwezinto ozifunayo. Khetha kuludwe lwabantu onokusebenzisana nabo, bona amava abo, qalisa ukusebenza kunye nabo uze wabelane ngemali oyibhatalwayo.

Ungaqesha umbuki zindwendwe oncedisayo enoba usenokuba ngumbuki zindwendwe, ungumbuki zindwendwe omtsha okanye onamava. Cela umbuki zindwendwe oncedisayo ukuba ajongane nemisebenzi ethile—okanye akubukele iindwendwe. Iinkonzo zabo zinokuquka:

• Ukufaka indlu
• Ukuseta amaxabiso nexesha ofumaneka ngalo
• Ukulawula izicelo zokubhukisha
• Ukuthumelela iindwendwe imiyalezo
• Ukunceda iindwendwe ukuloo ndawo zikuyo
• Ukucoca nokuhoya indlu
• Ukufotelwa indlu
• Ukulungisa nokuhombisa indlu ngaphakathi
• Iilayisensi neemvume zokubuka iindwendwe

Ababuki zindwendwe abancedisayo banokongenza nezinye iinkonzo, njengokwenza igadi, ukuhlalutya ishishini nokuqeqeshela ukubuka iindwendwe. Uza kufumana iinkcukacha ngeenkonzo ezinikezelwa ngumbuki zindwendwe oncedisayo kwiinkcukacha zakhe.

Ababuki zindwendwe abancedisayo kule nethiwekhi ngabanye bababuki zindwendwe abaphambili. Ngokomyinge, ababuki zindwendwe abancedisayo banomlinganiselo opheleleyo weenkwenkwezi eziyi-4.86 ovela kwiindwendwe neminyaka emine yamava kuAirbnb. Namhlanje, i-73% ziSuperhost, ibe i-84% ibuka iindwendwe ubuncinane kwindlu enye Ethandwa Zindwendwe.

Inethiwekhi Yababuki Zindwendwe Abancedisayo sithetha nje ifumaneka eOstreliya, eBrazil, eKhanada, eFransi, eJamani, eItali, eMexico, eSpeyini, eUK, naseMerika. Le nethiwekhi iza kwanda iquke amazwe angakumbi ngo-2025.

Sebenzisa Inethiwekhi Yababuki Zindwendwe Abancedisayo ukuze ukhangele uze udibane nomntu onikezela ngeenkonzo ozidingayo.

Fumana umbuki zindwendwe oncedisayo:

• Faka idilesi yendawo yakho ukuze ukhangele umntu okufutshane kwinethiwekhi. Uza kubona iiprofayile zababuki zindwendwe abancedisayo basekuhlaleni, ezilungelelaniswe ngokwezinto ezifana nendawo ekuyo, ukunxibelelana nomgangatho.
• Khetha iprofayile yombuki zindwendwe oncedisayo ukuze wazi ngakumbi ngaye—amava akhe, izimvo zexesha elidlulileyo, izindlu abuka kuzo izindlu, amaxabiso nezinye iinkcukacha.
• Thumela umyalezo kwabona baphambili obakhethayo. Zazise uze uchaze izinto ozidingayo.
• Cinga ngokubuza imibuzo eyongezelelekileyo uze uthethe ngezinto ozilindeleyo ekubukeni iindwendwe.

Qesha umbuki zindwendwe oncedisayo:

• Yenza isigqibo sokuba ngubani ofuna abe ngumbuki zindwendwe oncedisayo, uze ucinge ngokubhala iinkcukacha zendlela eniza kusebenzisana ngayo kwisivumelwano esisemthethweni.
• Yiya kwindlu yakho kuAirbnb. Thumelela umntu omtsha oza kusebenzisana naye isimemo sokuba ngumbuki zindwendwe oncedisayo, uze usete iimvume zakhe zendlu yakho. Uza kuba neveki ezimbini zokuba avume.
• Khetha ukwahlulelana ngenxalenye yemali oyibhatalwayo ngokubhukisha ngakunye ngoAirbnb.*

Zonke izixhobo ozidingayo ukuze usebenzisane nombuki zindwendwe oncedisayo zikwi-app. Ungenza ezi zinto:

• Ungathumela umyalezo ngqo kumbuki zindwendwe oncedisayo.
• Ungammema ukuba abe ngumbuki zindwendwe oncedisayo kwindlu yakho.
• Ungabeka iimvume zakhe zokulawula indlu yakho.
• Ungabelana ngemali oyibhatalwayo ngokubhukisha nombuki zindwendwe oncedisayo.*

Funda ngokuba ngumbuki zindwendwe oncedisayo

*Kukho imiqathango esebenzayo, kuxhomekeka kwindawo yombuki zindwendwe, yombuki zindwendwe oncedisayo, nendlu.

Inethiwekhi Yababuki Zindwendwe Abancedisayo ifumaneka eFransi, eSpeyini, eItali, eJamani, eUnited Kingdom, eOstreliya, eMexico (ixhaswa nguAirbnb Global Services Limited), eKhanada, eMerika (ixhaswa nguAirbnb Living LLC), naseBrazil (ixhaswa nguAirbnb Plataforma Digital Ltda).

Ababuki zindwendwe abakwiNethiwekhi Yababuki Zindwendwe Abancedisayo badla ngokuba nemilinganiselo ephezulu, amazinga okurhoxa aphantsi, namava okubuka iindwendwe kwa-Airbnb. Imilinganiselo isekelwe kwizimvo zeendwendwe zezindlu ababuka kuzo iindwendwe okanye abangababuki zindwendwe abancedisayo kuzo ibe isenokungazimeli iinkonzo ezikhethekileyo zombuki zindwendwe oncedisayo.

Inkcazelo ekweli nqaku isenokuba itshintshile emva kokuba lipapashiwe.