Indlela yokuhoya uluvo olubi

Izimvo ezimbi zinokuba buhlungu, kodwa Nababuki Zindwendwe abakumgangatho ophezulu bayazifumana ngamanye amaxesha. Nanga amacebiso ambalwa ngendlela yokumelana nezimvo ezimbi ezivela kwiindwendwe.

Ukuphendula izimvo kunceda ukubonisa iindwendwe ukuba ukulungele ukwamkela amacebiso. UAndrew, undwendwe olukwayiSuperhost eBerlin uthi, “Andilindelanga nawuphi na Umbuki Zindwendwe ukuba abe nezimvo ezintle zodwa. Ndonwatyiswa kakhulu ngabo bazihoyayo izimvo ezimbi.”

Cinga ngala macebiso xa uphendula kwizimvo ezimbi:

• Shiya impendulo ebonwa ngumntu wonke. Impendulo emfutshane, enobubele inokunceda uqinisekise ezinye iindwendwe ukuba uyihoyile indlela abahleli ngayo.
• Bulela iindwendwe ngezimvo zazo. Le nto inokuba yinto elula njengokuthi: “Enkosi ngoluvo lwakho! Siyixabisa nyhani into yokuba uthathe ixesha lokuchaza ngohambo lwakho.”
• Chaza indlela ophucula ngayo indawo yakho. Usenokubhala uthi: “Siyaxolisa kuba iibhedi bezingalalisi kamnandi. Ubuthongo bakho bubalulekile, ngoko sifake izinto zokwenza oomatrasi babe bhetele.”

Ungaluxela nanini na uluvo olwaphula Ipolisi yethu Yezimvo, njengoluvo lokuziphindezelela. Lusenokususwa ukuba iindwendwe zifunyaniswe ukuba ziyophule kakhulu le polisi.

Iingxaki zokuchana nokucoceka zizizathu ezimbini eziphambili eziqhelekileyo ezibangela iindwendwe zinike Ababuki Zindwendwe iinkwenkwezi ezingaphantsi kwezintlanu. Sebenzisa izimvo zeendwendwe njengethuba lokuphucula indlela ozibuka ngayo iindwendwe.

Nazi iindlela ezimbalwa zokubonisa iindwendwe ukuba usoloko ukulungele ukuphucula:

• Jonga izimvo njengethuba. Iindwendwe zikubonisa into eyahlukileyo ekusenokwenzeka khange uyicinge, njengokuba ungakwenza lula ukubhalisa xa kufikwa okanye ufake iitawuli ezingakumbi.

• Chaza yonke into. Iifoto zakho neenkcukacha zendlu yakho mazihlale zisexesheni ukuze zibonise izinto onazo ngoku. Chaza indlela ojongana ngayo neengxaki ezinokubakho, njengokuba nezinto zokuvala iindlebe ukuba kuyangxolwa esitratweni sakho.

• Ziqhelise ukungakhethi xa ubuka iindwendwe. Gxininisa ekwenzeni undwendwe ngalunye luzive lwamkelekile ngokusebenzisa ulwimi olungabhekisi kwisini esithile nokuzenza zicace izinto ezinceda ilungele wonke umntu.
• Nxibelelana neendwendwe ngalo lonke ixesha ezihleli ngalo. Sebenzisa imiyalezo ebekelwe ixesha lokuthunyelwa ukuze ubuze ukuba izinto zihamba njani uze uzihoye kwangoko naziphi na izinto ezixhalabisayo.

Inkcazelo ekweli nqaku isenokuba itshintshile emva kokuba lipapashiwe.