Amacebiso okuphepha ukurhoxa okunokuphepheka

Xa ukubhukisha kuqinisekisiwe, iindwendwe azilindelanga ukuba kutshintshe. Ukurhoxiswa Ngababuki Zindwendwe kunokuphazamisa izicwangciso zabo zohambo, kuphazamise ukuthenjwa kwentsapho yethu kuze kuphumele kwiimali ezimele zibhatalwe okanye kwezinye iziphumo. 

Nanga amacebiso okukunceda uphephe ukurhoxisa ukubhukisha ngenxa yezizathu ezinokuphepheka.

Zichazele iindwendwe ukuba zinokuhlala nini kwindawo yakho.

• Vula iintsuku ezisusela kwiinyanga ezintathu ukuya kwiminyaka emibini kwangaphambili.
• Vala iintsuku ongazokwazi ukubuka iindwendwe ngazo.
• Hlola ikhalenda yakho rhoqo ukuze uqinisekise ukuba ibonisa iintsuku ofumaneka ngazo.

Ukulungisa iintsuku ofumaneka ngazo kwikhalenda yakho kubaluleke ngakumbi ukuba usebenzisa Uvel' Ubhukishe. Uvel' Ubhukishe wenza iindwendwe zikwazi ukubhukisha naziphi na iintsuku ozivulileyo ngaphandle kokuba zilinde ukuba uhlole isicelo sazo.

Xa ukubhukisha kondwendwe kuqinisekisiwe, ikhalenda yakho iyavalwa ngokuzenzekelayo ngezo ntsuku. Kufuneka uzivale ngokwakho naziphi na iintsuku ongazukwazi ukwamkela ngazo ukubhukisha ngenxa yezinye izizathu.

Ukubhukishwa ngeentsuku ongazukwazi ukubuka iindwendwe ngazo kunokukhokelela ekubeni ubhatale imali yokurhoxa okanye kwezinye iziphumo.

Iisetingi zakho zahlulwe zaba ziithebhu ezimbini: Amaxabiso Nexesha Ofumaneka Ngalo. Ezi zixhobo zinokukunceda ufumane ukubhukisha okufunayo, ngexesha okufuna ngako. Ngokomzekelo, ungenza ezi zinto:

• Ungaxhasa indlela owabeka ngayo amaxabiso. Ixabiso lakho lisoloko lilawulwa nguwe, ibe ungalitshintsha nanini na. Izixhobo zokubeka amaxabiso zikwenza ukwazi ukuthelekisa amaxabiso ezindlu ezifanayo ezikufuphi, ubeke izaphulelo xa kuza kuhlalwa ixesha elide uze ubeke amaxabiso akhethekileyo ngeentsuku ezithile, ezifana neeholide neempela-veki. Unako nokuvula Indlela Ephucukileyo Yokubeka Ixabiso ukuze utshintshe amaxabiso akho ngokuzenzekelayo ngokusekelwe kwindlela indawo efunwa ngayo ekuhlaleni.
• Seta izinto ozithandayo zokubhukisha. Sebenzisa ixesha ofumaneka ngalo ukuze ubone ukuba iindwendwe zingabhukisha kwangaphambili kangakanani, ukususela kwiinyanga ezintathu ukuya kweziyi-24. Ezinye izinto onokukhetha kuzo ziquka: ukuchaza inani lezona ntsuku zimbalwa okanye zininzi ezinokuhlalwa qho kubhukishwa, ukufuna ukwaziswa ukuya kutsho kwiintsuku ezisixhenxe ngaphambi kokubhukisha, nokuvala usuku okanye iintsuku ezimbini emva kokubhukisha njengexesha lokulungiselela.
• Dibanisa iikhalenda zakho. Dibanisa iikhalenda zakho nezinye zokubuka iindwendwe (ukuba ufaka indawo yakho kwezinye iwebhusayithi) nekhalenda yakho yakwa-Airbnb. Le nto inokukunceda ulawule izinto ozenzayo zokubuka iindwendwe uze uphephe ukubhukishwa kabini.

Siyaqonda ukuba kusenokufuneka urhoxise ukubhukisha ngenxa yezizathu ezingaphaya kwamandla akho, njengokulungisa izinto ezingxamisekileyo. Ukuba kufuneka urhoxe, qinisekisa ukuba:

• Ufunda iipolisi zethu. Ipolisi yethu Yokurhoxa Yababuki Zindwendwe ichaza iimali ezimele zibhatalwe nezinye iziphumo zokurhoxa, nezihlandlo ezisenokunganyanzeliswa ngazo. Ukuba awuqinisekanga ukuba imeko yakho iyafaneleka, qhakamshelana noAirbnb Support ngaphambi kokuba urhoxe. Awukwazi ukurhoxa ngenxa yezizathu ezophula Ipolisi Yakwa-Airbnb Yokungacaluli okanye Ipolisi Yokufikeleleka.
• Zichazele iindwendwe kuselithuba ngokwaneleyo. Ukuba awuzukwazi ukubuka iindwendwe—kungakhathaliseki isizathu—kulindeleke ukuba urhoxise ixesha lisavuma. Awunakukwazi ukucela iindwendwe ukuba zikurhoxise ukubhukisha kwazo.
• Thobela imithetho nemimiselo yasekuhlaleni. Funda amanqaku ethu okubuka iindwendwe ngenkathalo ukuze uyiqonde ngcono imithetho, iirhafu, ezona ndlela zifanelekileyo zokwenza izinto nezinye izinto omele uzenze ukuze ubuke iindwendwe kwingingqi yakho.

Xa Ababuki Zindwendwe bekurhoxisa ukubhukisha, sisebenzisana neendwendwe ukuze sizincede zifumane enye indawo yokuhlala.