Qhubeka uye phambili ukuze ufikelele kwiziphumo ezicetyisiweyo
    Lo mxholo awufumaneki ngolwimi olukhethileyo, ngoko siwenze wafumaneka ngolona lwimi esinalo olusondeleyo kolwakho.

    Ngaba indawo yam imlungele uAirbnb?

    Kukho undwendwe olufanele indawo nganye—eyona nto ibalulekileyo kukuyicacisa kakuhle into ezimele ziyilindele.
    Ngu-Airbnb nge-2020 Jan 6
    Lifundeka ngemizuzu eyi-3
    Ihlaziywe nge-2021 Sep 2

    Izinto eziphambili

    • Unokuzinika igumbi lazo zodwa lokulala okanye ekulala abantu abaninzi kulo, okanye indlu yonke, okanye indawo eyahlukileyo

    • Okungenani kulindeleke ukuba ibe yindawo ekulaleka kamnandi kuyo ize ibe negumbi lokuhlambela

    • Thetha inyani ngezinto ezintle nezingathandekiyo ngendlu yakho

    • Biza ixabiso elifanelekileyo—iindwendwe azinangxaki nendawo ephantsi kodwa elifaneleyo ixabiso layo

    Usenokungayicingi into yokuba isikhephe esitofotofo okanye iflethi esentla kwendawo yomculo edolophini iza kuthandwa kuAirbnb, kodwa ke, zindawo ezahlukahlukeneyo ezininzi ezithandwa zindwendwe—kuquka ezikhethekileyo okanye ezincinci. Indlela yokuyenza kukufaka indlu eneenkcukacha nethetha inyani ebonisa izinto eziyenza indawo yakho ibe nomtsalane, nokuba ikwizinga eliphezulu, inezinto ezingathandekiyo okanye yindawo nje engenanto ingako nefikelelekayo.

    Qala ngezinto ezisisiseko

    Yintoni oyifunayo kwindawo ka-Airbnb? Ubuncinane, iindwendwe zilindele indawo ecocekileyo, indawo yokulala etofotofo negumbi langasese. Ayizizo zonke izindlu ezinekhitshi, kodwa kubalulekile ukuchaza ukuba ziza kuba nayo okanye azizukubanayo indawo yokuphekela iindwendwe zakho.

    Chaza uhlobo lwendlu yakho

    Akukho hlobo lwendawo uAirbnb angenayo, ngoko kubalulekile ukuba uchaze kwindlu yakho uhlobo lwendawo eyiyo. Yindlu? Yiflethi? Yindawo yokuhlala enesidlo sakusasa okanye yihotele? Ezinye iindawo kude kuthiwe “zindawo ezikhethekileyo”—njengezindlu ezakhiwe emthini, iintente, iindawo zokukhempisha, izikhephe, ii-windmill, iikharaveni, njl.

    Khetha iindawo ezinokusetyenziswa zindwendwe

    Ungachazela iindwendwe ukuba iza kuba yeyazo zodwa indlu yakho yonke, ziza kuba negumbi lazo zodwa lokulala, okanye ukuba ziza kusetyenziswa nangabanye abantu iindawo ezifana nendawo yokulala, ikhitshi okanye igumbi langasese, abantu abafana nentsapho yakho, abantu ohlala nabo okanye ezinye iindwendwe. Ixhomekeke kuwe into yokuba loo ndawo uza kuyilungiselela iindwendwe okanye kukho izinto zakho eziza kuhlala kuyo. Into ebalulekileyo kukugcina indawo yakho icocekile uze uncokole neendwendwe ngezinto ezimele zizilindele.

    Thetha inyani ngezinto ezintle nezingathandekiyo

    Umbuki zindwendwe uJoy waseSan Francisco unendawo ephakathi esixekweni—loo nto yenza kube lula ukufikelela kwiindawo, kodwa ngamanye amaxesha kukho ingxolo. Ufumanise ukuba ukuthetha inyani kwindlu yakhe ngezinto ezintle nezingathandekiyo kubaluleke kakhulu—kwaye loo nto yenze wafumana izimvo ezininzi ezintle. “Eyona nto imnandi ngendawo yam kukuba iphakathi esixekweni,” utsho njalo uJoy. “Ukuba awungomntu ofuna ukuphithizela kwesixeko, isenokungakulungeli.”

    Ukubonisa nokuchaza

    UAbhay, umbuki zindwendwe kwigumbi lokulala eSan Francisco, uquka inja yakhe enkulu emhlophe uCody njengento ephambili kwindlu yakhe. Ukuyenza icace into yokuba unenja kwenze inja yakhe yayinxalenye evuyisayo yokuhlala kweendwendwe zakhe zika-Airbnb. “Ndifumanise ukuba wonke umntu ohlala kwam uyayithanda inja,” utsho njalo uAbhay. “Abantu abangazithandiyo izinja baya kwezinye iindawo.”

    Ukucacisa kubalulekile: ukuchaza ukuba kukho izilwanyana zasekhaya kwindlu sisiqalo esihle, kodwa iifoto zithetha kakhulu, kuba ezinye iindwendwe zisenokubhukisha zingakhange zifunde yonke into kakuhle. Ukuba indawo yakho inezinto ezikhethekileyo (njengezilwanyana zasekhaya), kuhle ukuqinisekisa xa kubhukishwa ukuba iindwendwe ziyifunde kakuhle yonke inkcazelo yendlu.

    Chaza kwangaphambili

    UTim, umbuki zindwendwe waseNorthern California, uthi xa ecacisa indawo yakhe “yindawo yeholide ehonjiswe ngendlela yakudala,” ibe akukho nto ibaxiweyo apho. Iindwendwe kufuneka zinyuke izitepsi zamaplanga ezininzi ukuze zifike emnyango, ibe ibhafu ekhoyo ekukuphela kwayo iphandle—loo nto isenokuzivuyisa kakhulu iindwendwe ezifaneleyo. Uyichaza kwangaphambili into yokuba le ndlu ikwindalo ibe ufumanise ukuba iindwendwe zibhukisha indawo yakhe kuba ikufuphi kwindalo nangenxa yokuba ayifani nezinye.

    Beka ixabiso elifanelekileyo lendawo yakho

    Nokuba indawo yakho ayisosakhiwo esithi ndijonge—akukho ngxaki! Iindwendwe ezininzi ziyakuvuyela ukuhlala kwindawo encinci ukuba ilifanele ixabiso layo. Ukuba ungumbuki zindwendwe osaqalayo, unokuqala ngexabiso elingaphantsi kancinci kweli ilelona ulifunayo. Le nto iza kukunceda utsale iindwendwe, ibe xa sele ufumene izimvo eziliqela ezintle, ungaphinda ulihlole uze ulinyuse ukuba kuyafuneka.

    Indawo yomntu wonke

    Nabani na onendawo anokwamkela abantu kuyo unokuphumelela njengombuki zindwendwe wakwa-Airbnb. Ayikho indlu efanelekileyo ngokupheleleyo—kufuneka nje uthethe inyani uze ufake iinkcukacha kwingcaciso yakho nakwiifoto ukuze uncede iindwendwe ziqonde into ezinokuyilindela. Ukususela kumagumbi angasebenziyo, iindawo zeholide ezihonjiswe ngendlela yakudala ukuya kwiindawo ezikwizinga eliphezulu, kukho indawo efanele umntu ngamnye kuAirbnb.

    Izinto eziphambili

    • Unokuzinika igumbi lazo zodwa lokulala okanye ekulala abantu abaninzi kulo, okanye indlu yonke, okanye indawo eyahlukileyo

    • Okungenani kulindeleke ukuba ibe yindawo ekulaleka kamnandi kuyo ize ibe negumbi lokuhlambela

    • Thetha inyani ngezinto ezintle nezingathandekiyo ngendlu yakho

    • Biza ixabiso elifanelekileyo—iindwendwe azinangxaki nendawo ephantsi kodwa elifaneleyo ixabiso layo

    Airbnb
    2020 Jan 6
    Ngaba oku bekuluncedo?