Lungisa indawo yakho

Ukuhlala kweendwendwe kwindawo ekwizinga leenkwenkwezi ezintlanu kuqala ngokuhoywa kwendawo. Ikhaya abaziva bamkelekile kulo abantu lingenza ufumane izimvo zakho zokuqala ezintle.

Ababuki Zindwendwe abaphumeleleyo bacebisa ukuba wenze ezi zinto zintathu ukuze indawo yakho ihlale icocekile:

• Gxininisa kwiindawo ezisetyenziswa kakhulu. Sula imiphezulu yeetafile, ucoce iidreyini uze ugcwalise iibhotile zesepha. Jongisisa ukuba akukho zinwele zishiyekileyo.

• Hlaziya igumbi ngalinye. Vula iifestile, susa uthuli, uze ucoce yonke imigangatho, nangaphantsi kwefenitshala. Yondlula iibhedi ngamashiti acocekileyo uze unike undwendwe ngalunye iitawuli ezicocekileyo.

• Yenza uludwe lwezinto ekufuneka zenziwe. Landela inqkubo efanayo qho ngaphambi kokuba kufike iindwendwe ukuze kungabikho nto uyiphosayo.

UDaniel, ilungu leQumrhu Labacebisi Lababuki Zindwendwe noyiSuperhost eCanary Islands, eSpeyini uthi, “Ndiye ndishiye iiyure ezintandathu qho emva kokuphuma kondwendwe ukuze sicoce kakuhle. Le ndawo imele ifane nqwa nendlela evele ngayo ekwi-intanethi.”

Iindwendwe zilindele ukuba indawo yakho ibe nezinto eziyimfuneko. Ezo zinto zezi:

• Iphepha langasese
• Isepha (eyezandla neyomzimba)
• Itawuli yondwendwe ngalunye
• Umqamelo wondwendwe ngalunye
• Izinto zebhedi zondwendwe ngalunye

Nceda iindwendwe zizive zisekhaya ngokufaka izinto ezifanelekileyo kwigumbi ngalinye, ezifana nezi:

Ekhitshini

• Izinto zokulungiselela itafile elingene elona nani likhulu leendwendwe zakho
• Umatshini wokwenza ikofu, iketile yeti, iimbiza nezinto zokupheka
• Ityuwa, ipelepele namafutha okupheka
• Isepha yezitya, indawo yokomisa izitya, nelaphu okanye iitawuli zephepha

Igumbi lokuhlala

• Izitulo ezilingene elona nani likhulu leendwendwe zakho
• I-TV eneenkonzo ezikwi-intanethi
• Incwadi ekuxelela ngendlu enemiyalelo yendlela yokusebenzisa izixhobo

Igumbi lokuhlambela

• Iitawuli zezandla nemethi yegumbi lokuhlambela
• Ibrashi yokucoca ithobhi ne-plunger
• I-shampoo, i-conditioner, nesixhobo sokomisa iinwele

Igumbi lokulala

• Izinto zokogquma iifestile neetafile ezisecaleni kwebhedi ezinezibane
• Iidrowa okanye izinto zokuxhoma iimpahla, nendawo yokubeka imithwalo
• Enye ingubo nefeni okanye isixhobo sokufudumeza indlu

Xa uyilungisile indawo yakho, chitha ubusuku kuyo okanye ucele abahlobo ukuba bahlale kuyo baze batsho ukuba bekunjani. Uza kukhawuleza ubone ukuba yintoni eshotayo.

Iindwendwe ziyavuya xa Ababuki Zindwendwe besenza izinto ngononophelo baze banikezele ngezinto ezongezelelekileyo ukuze zihlale kamnandi ngakumbi. Ezi zinto zinokuquka ii-ear plugs, izinto zokugqogqa iindlebe, imidlalo yebhodi, iadaptha yombane nayo nantoni na eye ifuneke kwindawo okuyo, njengeeambrela okanye iitawuli zaselwandle.

Ababuki Zindwendwe abaninzi abanamava bathi bayathanda:

• Ukuba nesipho sokwamkela. Shiya umyalezo obhalwe ngesandla, ibhasikithi enezimuncu-muncu zasekuhlaleni, okanye into yokubhiyozela into ekhethekileyo.
• Ukuhombisa ngezinto ezenza kuthi gunqu kamnandi. Cinga ngento ekunceda uphumle xa useluhambeni. Imihombiso esedongeni, izityalo, nemiqamelo yokuhombisa inokwenza kuthi gunqu kamnandi.
• Ukuprinta incwadi ekuxelela ngendlu. Yibeke kwindawo apho iindwendwe ziza kuyifumana lula, njengasekhawuntarini.
• Yenza izinto ezikhethekileyo zibalasele. Kwingcaciso yendlu yakho, phawula nantoni na onikezela ngayo ehambelana nezinto ezithile ezifunekayo, njengendawo ekunokusetyenzelwa kuyo okanye izinto ezinceda ilungele wonke umntu.
UElsie ongumbuki Zindwendwe waseNashville, eTennessee uthi:

“Ndine-pack 'n play, isitulo esiphakamileyo, neencwadi nezinto zokudlala.”

Ukuba ufuna amacebiso angakumbi kwaye awukabhukishwa, unokuncedwa uwedwa yiSuperhost. Zingababuki Zindwendwe abakwinqanaba eliphezulu nabona banamava kuAirbnb.

Inkcazelo ekweli nqaku isenokuba itshintshile emva kokuba lipapashiwe.