Qhubeka uye phambili ukuze ufikelele kwiziphumo ezicetyisiweyo
    Lo mxholo awufumaneki ngolwimi olukhethileyo, ngoko siwenze wafumaneka ngolona lwimi esinalo olusondeleyo kolwakho.

    Thenga ezi zinto zokucoca

    Nazi izinto ezifunekayo ukuze ucoce, unciphise iintsholongwane, uze indawo yakho uyilungiselele undwendwe olulandelayo.
    Ngu-Airbnb nge-2020 Jun 4
    Lifundeka ngemizuzu eyi-3
    Ihlaziywe nge-2021 Jun 25

    Izinto eziphambili

    • Qinisekisa ukuba unayo yonke into oyidingayo ngaphambi kokuba uqalise ukucoca

    • Thenga izinto zokuzikhusela, izinto zokucoca nemixube yeekhemikhali—uze unike neendwendwe ukuze nazo zicoce

    • Xa ugqibile, gcwalisa izinto ukuze ulungele undwendwe olulandelayo

    • Fumana okungakumbi kwisikhokelo sethu esipheleleyo ukuze wazi ngenkqubo yokucoca ephuculiweyo

    Ngaba ukulungele ukuthatha ukucoca ukuse kumgangatho olandelayo? Njengenxalenye yamanyathelo ayi-5 enkqubo ephuculiweyo yokucoca ka-Airbnb, esekwe kwincwadi yokucoca, senze uludwe lwezinto ekucetyiswa ukuba ziyafuneka, ukusuka kwizinto zokuzikhusela ukuya kwizinto zokucoca zeendwendwe. Nazi izinto omele ube nazo ukuze ucoce kakuhle nangakumbi.

    Izinto zokuzikhusela

    Ungancedisa unciphise ukuba sesichengeni seentsholongwane neseekhemikhali ngokusebenzisa ezi zixhobo zilandelayo xa ucoca:

    • Iiglavu ezilahlwayo (ziyacetyiswa)
    • Imaski okanye ilaphu lokogquma ubuso (liyacetyiswa)
    • Iiglasi zokuzikhusela (azinyanzelekanga xa kuza kucocwa indlu yangasese)
    • Ifaskoti okanye igawuni (ayinyanzelekanga)
    • Izinto zokogquma izihlangu (azinyanzelekanga)
    • Ikhaka lobuso (alinyanzelekanga)

    Izixhobo

    Xa unezinto ezisisiseko, uza kukwazi ukuyenza kakuhle inkqubo yokucoca. Nazi izinto oza kuzidinga:

    • Umtshayelo nento yokuwola
    • Ibhakethi (ukuba liyafuneka)
    • Into yokususa uthuli
    • Iiplastiki zenkunkuma
    • Amalaphu emaykrofayibha
    • Imophu
    • Iitawuli zamaphepha
    • Ibhrashi yokukhuhla
    • Izinto zokukhuhla (ekhitshini kuphela)
    • Ileli (ukuba iyafuneka)
    • Ibrashi yokucoca ithobhi
    • Umatshini wokutshayela
    • Iingxowa zomatshini wokutshayela (ukuba ziyafuneka)
    • Umatshini wokuhlamba izitya
    • Umatshini wokuhlamba nokomisa iimpahla

    Iimveliso

    Sicebisa kusetyenziswe kuphela umxube wokubulala nowokunciphisa iintsholongwane obhaliswe kwiiarhente zabasemagunyeni karhulumente ezifanelekileyo (umz.I-Envoronmental Protection Agency yaseMerika okanye I-European Chemicals Agency). Yiba nezi zinto:

    • Into yokucoca iindawo ezininzi
    • Into yokubulala iintsholongwange kwiindawo ezininzi
    • Into yokucoca iglasi
    • Iblitshi
    • Isepha yokuhlamba impahla
    • Into yokususa amabala ezimpahleni
    • Isepha yomatshini wokuhlamba izitya
    • Into yokucoca ikhaphethi (ukuba iyafuneka)
    • Into yokucoca umgangatho
    • Ipolishi yefenitshala/yezinto zeplanga
    • Into yokucoca ioveni (ekhitshini kuphela)
    • Into yokucoca amafutha kwioveni (ekhitshini kuphela)
    • Into yokucoca umngundo (ukuba iyafuneka)

    Into ekufuneka uyazi ngokunciphisa iintsholongwane ngezinto zokubulala iintsholongwane
    Usenokuba uyazibuza ukuba izinto ozisebenzisayo zinamandla ngokwaneleyo na ukunceda ukunciphisa iinani leentsholongwane ezifana neebhakteriya neentsholongwane. Nalu ushwankathelo olufutshane:

    • Qinisekisa ukuba usebenzisa izinto zokubulala iintsholongwane ezivunyiweyo. Nceda uqinisekise kwiiarhente zikarhulumente ezifanelekileyo, ezifana neU.S. Environmental Protection Agency (EPA) okanye iEuropean Chemicals Agency, ukuze ufumane uludwe lwabacoci abavunyiweyo nolwezinto zokubulala iintsholongwane. Ngokomzekelo eMerika, izinto ezicetyiswa yiEPA ziquka iiClorox wipes, iiLysol sprays nezinye izinto zokubulala iintsholongwane eziqhele ukusetyenziswa.
    • Yeka imveliso yomiswe ngumoya. Ukuba uyayisusa into yokubulala iintsholongwane ngaphambi kokuphela kwexesha ekucetyiswe ukuba indawo ibe manzi ngalo, akukho siqinisekiso sokuba imveliso izibulele izinto ezivelisa iintsholongwane njengoko kubhaliwe kwileyibhile.
    • Izinto zokusula ezibulala iintsholongwane zivumelekile. Yivumele indawo ukuba ihlale imanzi ixesha elide ngokwaneleyo—ixesha elifunekayo lixhomekeka kwimveliso, ngoko nceda ujonge ileyibheli.
    • Sukuzisebenzisa izinto zokubulala iintsholongwane ekungaqinisekwanga ngazo. Nangona iviniga neeoyile ezinevumba elimnandi zisenokucoca kakuhle, azivunywanga ziiarhente ezilawulayo njengezinto zokubulala iintsholongwane.
    • Ungaze uzidibanise izinto zokucoca. Ukudibanisa ezinye iimveliso, ezifana neblitshi ne-ammonia, kunokukhupha iigesi eziyityhefu eziyingozi xa ziphefumlwa.

    Izinto zokucoca zeendwendwe

    Iindwendwe zisixelele ukuba zifuna ukwazi ukuzicocela ngoxa zihleli endaweni yakho. Zincede ngokugcina izinto ezinokuzisebenzisa—ukuba ubuka iintsapho, qinisekisa ukuba naziphi na izinto zokucoca uzenza zingafikeleleki ebantwaneni. Nazi izinto iindwendwe ezizifuna kakhulu:

    • Iitawuli zamaphepha ezinokulahlwa
    • Into yokucoca iindawo ezininzi
    • Amalaphu okanye ispreyi sokubulala iintsholongwane
    • Into yokunciphisa iintsholongwane yezandla
    • Isepha yesandla eyongezelelekileyo

    Izikhumbuzo zokhuseleko ezivela kwiingcali zethu

    • Ungangeni endaweni ngaphandle kwezinto zokuzikhuselwa ezicetyiswayo kwaye ungazisebenzi kwakhona iimpahla ezimdaka
    • Qiniseka ukuba uzifunda zonke iileyibheli zokhuseleko ukuze uqonde indlela yokusebenzisa kakuhle iikhemikhali zokucoca
    • Hlala usenza abantwana bangakwazi ukufikelela kwiikhemikhali zokucoca
    • Ukuze uncede unqande ukunwenwa kweentsholongwane, sukububamba ubuso bakho xa ucoca

    Xa ugqibile ukucoca, uze ukhumbule ukuqaphela ukuba zeziphi izinto eziphelayo okanye ezisele ziza kuphelelwa—loo nto iza kukunceda ukwazi ukuba nezinye okanye ukuthenga ezinye ngaphambi kokuba kufuneke uphinde ucoce.

    Inkcazelo ekweli nqaku isenokuba itshintshile emva kokuba lipapashiwe. Inkqubo yamanyathelo ayi-5 yendlela yokucoca ephuculiweyo ikuchazela ngezinto ezilula ezifunekayo ukuze ucoce indlu yakho. Ukuze ufumane inkcazelo engakumbi ngendlela yokusebenzisa loo manyathelo, nceda uyifunde yonke incwadi yokucoca yakwa-Airbnb. Njengombuki zindwendwe, kusenokufuneka uthathe amanyathelo ongezelelekileyo ukuze uzikhusele, ukhusele iqela lakho neendwendwe zakho, ibe kufuneka usoloko uhlola uze uthobele nayiphi na imithetho okanye izikhokelo ezisebenzayo ekuhlaleni. UAirbnb akanaxanduva lwako nakuphi na ukonzakala okanye isifo esinokuvela ngenxa yokulandela le nkqubo yokucoca. Ukuze ufumane imigaqo yokucoca nemithetho yengingqi obuka kuyo iindwendwe, nceda ugcine eli nqaku Leziko Loncedo.

    Izinto eziphambili

    • Qinisekisa ukuba unayo yonke into oyidingayo ngaphambi kokuba uqalise ukucoca

    • Thenga izinto zokuzikhusela, izinto zokucoca nemixube yeekhemikhali—uze unike neendwendwe ukuze nazo zicoce

    • Xa ugqibile, gcwalisa izinto ukuze ulungele undwendwe olulandelayo

    • Fumana okungakumbi kwisikhokelo sethu esipheleleyo ukuze wazi ngenkqubo yokucoca ephuculiweyo
    Airbnb
    2020 Jun 4
    Ngaba oku bekuluncedo?