Amacebiso avela kubabuki zindwendwe baka-Airbnb Plus: Indlela yokufaka izinto ezicingisisiweyo
Izinto eziphambili
Quka nezinto ezongezelelekileyo ezenza umahluko omkhulu
Yenza ibhasikiti yokwamkela enezimuncumuncu, iziselo, ukutya okumnandi kwasekuhlaleni, okanye izinto ezenziwe ekhaya
Yenze ikhetheke ngokubhala umyalezo ngesandla
Umbuki zindwendwe ngamnye weAirbnb Plus uza namabali ohlukeneyo, indalo, neendawo kwizixeko ezikhulu kwiindlela zabo zokubuka iindwendwe neendawo zabo ezisemagqabini. Nazi ezinye iindlela ezikhuthazayo zokuphatha indwendwe zakho ngendlela echukumisayo:
Faka nezinto ezincinci ezongezelelekileyo
Zimangalise iindwendwe zakho okanye uzonwabise ngezinto ezincinci ezenza umahluko omkhulu, njengokuzishiyela isiselo esibandayo, uzifakele iintyantyambo ezisuka egadini ezichetywe kakuhle, okanye uthi uza kuzibhukishela itafile kwindawo abantu basekuhlaleni abathanda ukutya kuyo. Ezi zinto zingalindelwanga zenza iindwendwe zizive zixabisekile ngoxa zibasa kwiindawo nakubantu bendawo yakho.
Yenza ibhasikiti yokwamkela
Zenze uthandeke kubantu beqala ukukubona ngokubanika izimuncumuncu ezahlukeneyo, iziselo kunye nezinto ezimnandi zasekuhlaleni. Cinga ngokuzinika nezinto zakho ngokukhethekileyo, njengesiqhamo esiphuma egadini yakho okanye isonka sasekhaya ukuba ungumbhaki.
Omnye umzekelo omhle obonisa isenzo esicingwe kakuhle: "UElena usishiyele iolio nuovo [i-oli yomnquma eyongezelelekileyo eqala yagutywa] esuka kwifama yakokwabo, kunye nekofu," kutsho uNatasha undwendwe obeluhleli nombuki zindwendwe weAirbnb Plus kwifama yakhe yomnquma eFlorence, eItali. “Besinayo yonke into esiyidingayo kubusuku bokubukela iinkwenkwezi!”
Yenze ikhetheke
Yamkela iindwendwe ngamagama azo nangomyalezo owenzelwe undwendwe ngalunye. Ukuba uyasazi isizathu sokutyelela kwazo, cinga ngokuzinqwenelela ithuba elimnandi kulo nto zinomdla wayo okanye kumcimbi obazise kulo dolophu. Usenokufaka necebiso lakho, njengokubachazela eyona ndlela ilula yokuya kule ndawo baya kuyo. Ukuba uyayazi ukuba iindwendwe zize apha kuba zisanda kutshata okanye zibhiyozela umhla wokuzalwa, zibhalele umyalezo wokuvuyisana nazo okanye iintyantyambo zokubhiyozela umhla wokuzalwa.
Uze uzive ukhululekile ukuba ube nobuchule. “Sifake ibhodi enkulu ukuze abantu bakwazi ukushiyela abanye abantu imiyalezo kunye namacabiso. Ibe badla ngokwenza imizobo emihle,” kutsho uElena.
Zininzi iindlela zokwenza ngaphezu koko bekulindelwe zindwendwe kuze kunyuswe umgangatho oza kwenza zingaze zikulibale ukuhlala kwindawo yakho, kodwa amanye amacebiso abaliswa apha yindlela entle yokuqalisa.
Izinto eziphambili
Quka nezinto ezongezelelekileyo ezenza umahluko omkhulu
Yenza ibhasikiti yokwamkela enezimuncumuncu, iziselo, ukutya okumnandi kwasekuhlaleni, okanye izinto ezenziwe ekhaya
Yenze ikhetheke ngokubhala umyalezo ngesandla