Oko Ababuki Zindwendwe kufuneka bakwazi ngesaziso sika-Airbnb

Njengoko iindawo ezininzi emhlabeni wonke ziqalisa ukuvula kwakhona, silindele ukuba kuphinde kuhanjwe ngeyona ndlela inkulu kwiminyaka elikhulu. Ukukunceda ulungiselele loo nto, uBrian Chesky oliGosa Eliphetheyo lakwa-Airbnb wazise ngengxelo entsha echaza izinto eziza kwenzeka eziza kulawula ikamva lohambo.

Wazise nangezixhobo ezintsha nokuphuculwa kwezinto ezingaphezulu kwe-100 kuAirbnb nto leyo eza kunceda Ababuki Zindwendwe emhlabeni wonke bakwazi ukusebenzisa eli thuba likhethekileyo. Bukela ividiyo engasentla ukuze ufumane iinkcukacha ezingakumbi ngesaziso sikaBrian.

Into efanayo ngazo zonke ezi zinto zitshintshiweyo kukwenza izinto zibe lula:

• Kube lula ukuba iindwendwe zikhuthazeke, zifumane indawo ezilungeleyo zize zibhukishe ngokukhawuleza ngenxa yezinto ezintsha ezifana nokuya nokuba kuphi nangeziphi na iintsuku
• Kube lula ngakumbi ukuba Ababuki Zindwendwe baqalise ngamanyathelo ambalwa ngoncedo oluphuculiweyo nezinto ezincedayo
• Kwaye eyona nto ibalulekileyo, emva konyaka apho ukubuka iindwendwe bekunzima kakhulu kunalo naliphi na elinye ixesha, kube lula ngakumbi ukuba Ababuki Zindwendwe balawule imisebenzi yabo yemihla ngemihla, bonwabise undwendwe ngalunye baze baphumelele kuAirbnb

Njengoko Ababuki Zindwendwe abaninzi belungiselela ukwanda kohambo, sifuna ukwenza izixhobo nezinto zethu zisebenze kakuhle ngakumbi, zibe luncedo ngakumbi kuze kube lula ngakumbi ukuzisebenzisa. Nazi izinto ezivuyisayo ezimbalwa esiziphuculileyo:

I-app newebhusayithi eluncedo ngakumbi nefanayo
Sitshintshe izinto ezibalulekileyo kumaqhosha asetyenziswa kakhulu kwi-app nakwiwebhusayithi ka-Airbnb ukuze kube lula ngakumbi ukufumana into oyifunayo. Emva kokufumana izimvo ezininzi kuBabuki Zindwendwe ngalo mba, siye senza ukusebenzisa i-app newebhusayithi yethu kwafana ukuze ubone amaqhosha neethebhu ezifanayo, kungakhathaliseki ukuba usebenzisa esiphi isixhobo.

Funda ukuba zintoni ezitshintshileyo

Ithebhu ethi Namhlanje: iphepha lokuqala lakho lokubuka iindwendwe
Njengenxalenye yoku kuphucula izinto, senze indawo entsha Yababuki Zindwendwe ekuthiwa yithebhu ethi Namhlanje. Ithebhu ethi Namhlanje ibeka yonke imisebenzi, imiyalezo nezinto ezilungisiweyo ezibalulekileyo kwindawo enye, ukukunceda ulawule imisebenzi yakho yemihla ngemihla njengoMbuki Zindwendwe kwiskrini esinye.

Kwixesha elidlulileyo, Ababuki Zindwendwe basichazele ukuba bekuthatha ixesha elide ukufumana into abayifunayo. Kwithebhu ethi Namhlanje, kukho isikrini esinye—esifumaneka nakwesiphi isixhobo—onokusihlola ngokukhawuleza nangendlela elula ukuze uhlale usazi ngokubhukishwa kwakho, izicelo, imibuzo nemiyalezo.

Funda ngendawo yakho yokubuka iindwendwe entsha

Indawo yemiyalezo ebhetele, nekhawulezayo
Umbuki Zindwendwe ngamnye osemagqabini uyayazi ukuba ukuhlala okukwizinga leenkwenkwezi eziyi-5 kuqala ngokuncokola kakuhle neendwendwe. Indawo yemiyalezo yakho yinxalenye ebalulekileyo yezixhobo zakho zokubuka iindwendwe kwaye sazise ngokutshintshwa kwezinto ezibalulekileyo ukuze ibe bhetele.

Indawo entsha yemiyalezo ikhawuleza ukuya kutsho ngokuphindwe kayi-10 kwaye inezinto ezifana nokukhangela nezihluzi ukuze ufumane imiyalezo ebalulekileyo ngokukhawuleza. Sifake nezixhobo zokonga ixesha njengemiyalezo ecwangcisiweyo neempendulo ezikhawulezileyo ukuze zikuncede wenze indlela yakho yokubuka iindwendwe izenzekele ize ibe lula.

Funda okungakumbi ngezi zinto zilungisiweyo

Izikhokelo Zokufika zeendwendwe ezintsha, nezizenzekelayo
Ukubhalisa xa ufika kunokuba lelona xesha lenza ukubhukisha konwabise okanye kungabi mnandi. Sifumene izimvo kuBabuki Zindwendwe ezithi ukulawula ukubhalisa xa kufikwa kunokudina kuze kutye ixesha.

Kule nyanga, siqalisa isixhobo esitsha esivela silandelelanise eyona nkcazelo ibalulekileyo yokubhalisa xa kufikwa ekubhukisheni ngakunye, entla kwethebhu Yohambo londwendwe lwakho kwiiyure eziyi-48 ngaphambi kokubhalisa xa zifika.

Hlola Isikhokelo Sokufika esitsha uze ulungise esakho

Iinkonzo Zeqela Elinceda Intsapho eziphuculiweyo
Izixhobo zethu Zeqela Elinceda Intsapho Noonozakuzaku Abancedayo baphambili kubuhlobo bethu naBabuki Zindwendwe. Ngokusekelwe kwizimvo zenu, siyayitshintsha indlela esinceda ngayo ukuze sinisebenzele bhetele.

Oku kuquka ukuliphindaphinda ukudlula kabini inani Loonozakuzaku Abancedayo ukusukela ngeli xesha kulo nyaka uphelileyo, sibeke phambili ukuvelana kulo lonke unxibelelwano Lweziko Loncedo size senze iipolisi zethu zicace ngakumbi zize zifane. Sisebenzela ekubeni Noncedo Olukhethekileyo lweeSuperhost, ukuqala eMntla Merika nge-30 kaSeptemba 2021, nakwezinye iindawo emhlabeni wonke ebudeni buka-2021.

Funda okungakumbi Ngeqela lethu Elinceda Intsapho eliphuculiweyo

Ezi zinto zitshintshiweyo zezimbalwa nje kwizinto ezingaphezulu kwe-100 eziphuculiweyo esazisa ngazo kule nyanga. Siyakukhuthaza ukuba ufunde uludwe olupheleleyo lwezinto eziphuculiweyo, uzame ukusebenzisa izixhobo nezinto ezintsha uze usichazele ukuba singaqhubeka njani siphucula.