Yintoni Ipolisi Yeziganeko Ezikhulu Eziphazamisayo?

Ukukhuseleka Kwababuki Zindwendwe neendwendwe yeyona nto iphambili kuthi. Xa intlekele yemvelo, ingxaki yempilo yoluntu, okanye esinye isiganeko esikhulu sikwalela ukuba ubuke iindwendwe, sinepolisi ekhoyo eza kunceda ikhusele wena neendwendwe zakho. 

Le polisi ibikade ibizwa ngokuba yiPolisi Yeemeko Ongenakuzinceda. Siyayilungisa le polisi ibe sitshintsha igama layo ukuze kube lula ukuyiqonda. 

Le Polisi Yeziganeko Ezikhulu Eziphazamisayo elungisiweyo iza kusebenza kulo lonke uhambo Nezinto Ezinokonwatyelwa ezenzeka nge-6 kaJuni, 2024 okanye emva koko, kungakhathaliseki ukuba bezibhukishwe nini.*

Le polisi icacisa indlela uAirbnb akusingatha ngayo ukurhoxa nokubuyiswa kwemali xa iziganeko ezinkulu zichaphazela ukubhukisha. 

Ezi ziganeko zilandelayo ziqukiwe ukuba zichaphazela indawo ekuyo indawo ebhukishiweyo, zenzeka emva kokubhukisha ibe zalela okanye zithintela ngokusemthethweni ukuhoywa kokubhukisha kwexesha elizayo okanye okuqhubekayo:

• Iimeko zempilo zoluntu zongxamiseko nezifo zasekuhlaleni ezichaziweyo. Ezi zinto ziquka oobhubhane, izifo zasekuhlaleni neemeko zempilo zoluntu ezingxamisekileyo ezichazwe ngurhulumente. Izigulo eziqhelekileyo neziqhele ukubakho kwindawo ethile aziqukwanga. I-COVID-19 ayiqukwanga Kwipolisi Yeziganeko Ezikhulu Eziphazamisayo.
• Imiqathango yokuhamba karhulumente. Le miqathango iquka imiqathango esisinyanzelo ebekwe liziko likarhulumente, njengomyalelo wokuba kufudukwe. Le miqathango ayiwaquki amacebiso ngezohambo okanye izikhokelo zikarhulumente ezifana nawo.
• Ukuhlasela komkhosi neminye imilo. Ezi ziganeko ziquka iimfazwe, imilo, ukuvingcelwa, imfazwe yasekuhlaleni, ubugrogrisi, ugqabhuko-dubulo, ukubhombhishwa, iimvukelo, izidubedube, nemvukelo.
• Ukuphela kweenkonzo ezibalulekileyo kwiindawo ezininzi. Le nto iquka ukuphela kweenkonzo ezibalulekileyo ixesha elide, njengezinto zokufudumeza, amanzi nombane, okuchaphazela iindawo ezininzi ezikwindawo ethile.
• Iintlekele zemvelo. Ezi ziganeko ziquka iintlekele zemvelo nezinye iimeko zemozulu embi kakhulu. Iimeko zemozulu nezemvelo eziqheleke kangangokuba zinokulindelwa kwindawo ethile ziqukwa kuphela xa ziphumela kwesinye isiganeko esiqukiweyo kwipolisi esenza ukuba ukubhukishwa kungagqitywa. Ngokomzekelo, inkanyamba ebudeni bexesha leenkanyamba eMexico iqukwa kuphela ukuba ibangela kukhutshwe umyalelo othi kunyanzelekile kufudukwe.

Ukuba isiganeko siqukiwe:

• Ababuki zindwendwe banokurhoxisa ukubhukisha ngaphandle kokubhataliswa iimali ezimele zibhatalwe okanye bafumane eminye imiphumo emibi. Iikhalenda zezindlu zabo ziza kuvalwa ngeentsuku ezirhoxisiweyo.
• Iindwendwe zinokurhoxisa ukubhukisha zize zibuyiselwe imali yazo okanye imali ezinokuyisebenzisa kuhambo nokuba ithini ipolisi yokurhoxisa Yombuki Zindwendwe. Ikhalenda yendlu iza kuhlala ivulekile ukuba ukubhukisha kurhoxiswa lundwendwe.
• Umbuki Zindwendwe akabhatalwa xa ukubhukisha kurhoxiswa Ngumbuki Zindwendwe okanye lundwendwe.
• Ababuki zindwendwe neendwendwe banokurhoxisa iintsuku ezishiyekileyo nokuba iindwendwe sele zifikile.

Ukuba isiganeko asiqukwanga:

• Ukurhoxisa kondwendwe kuza kuxhomekeka kwipolisi yokurhoxisa yendlu.
• Ukurhoxa Kombuki Zindwendwe kuza kuxhomekeka Kwipolisi Yokurhoxa Yombuki Zindwendwe, enokuquka iimali ezimele zibhatalwe nezinye iziphumo. 
• Ababuki zindwendwe neendwendwe basenokuzenzela awabo amalungiselelo okubuyiselwa kwemali ngaphandle kokusebenzisa le polisi. 

Siyayilungisa ibe siyiqamba ngokutsha le polisi ukuze sihoye izinto ezithethwe Ngababuki Zindwendwe neendendwe. Ngokomzekelo, abanye Ababuki Zindwendwe bebekade bengakwazi ukubona ukuba isimo sezulu esinokubonwa kwangaphambili okanye isiganeko esichaphazela ukukwazi kweendwendwe ukuhamba kuqukiwe na. 

Nazi izinto eziphambili ezilungisiweyo: 

• Le polisi iza kusebenza kuphela kwiziganeko ezenzeka kwindawo ekuyo indawo ebhukishiweyo. Iziganeko ezichaphazela ukukwazi kondwendwe ukuya kwindawo ebhukishiweyo azisaqukwanga. 
• Iziganeko zemozulu ezinokubonwa kwangaphambili kwindawo ekuyo indawo ebhukishiweyo zifanelekela ngokukhethekileyo ukukhuselwa ukuba ziphumela kwesinye isiganeko esiqukiweyo, njengokumiswa kohambo ngurhulumente okanye ukungabikho kweenkonzo kwiindawo ezininzi. 

Ipolisi Yokurhoxa Yombuki Zindwendwe yahlukile kwiPolisi Yeziganeko Ezikhulu Eziphazamisayo. Phantsi Kwepolisi Yokurhoxa Yombuki Zindwendwe, uAirbnb uza kuzirhoxisa iimali ezimele zibhatalwe, ibe kwezinye iimeko, akazukuthatha nyathelo, ukuba Umbuki Zindwendwe urhoxa ngenxa yezizathu ezithile ezivakalayo Umbuki Zindwendwe angenakukwazi ukuzilawula, ezifana nokugqabhuka kombhobho. Phantsi kwePolisi Yokurhoxa Yababuki Zindwendwe, Ababuki zindwendwe kulindeleke ukuba bakuhoye ukubhukisha okuqinisekisiweyo. 

Phantsi kwazo zombini ezi polisi, Ababuki Zindwendwe banyanzelekile ukuba barhoxise ukuba indawo yabo ayihlaleki okanye ayihambelani nendawo ebhukishwe lundwendwe. Ngokomzekelo, ukuba ipuli yakho ayisebenziseki emva kwesaqhwithi esikhulu kodwa iinkcukacha zendlu yakho zithi unepuli, kuza kufuneka urhoxise okanye uvumelane neendwendwe ngaphambi kokuba zibhalise xa zifika.

*Ngaphandle kokuba uAirbnb uchazele abantu abathile abamsebenzisayo into eyahlukileyo.

Le polisi ayithi Ababuki Zindwendwe neendwendwe abanakunandipha amalungelo abo phantsi kwemithetho nemimiselo yasekuhlaleni, kwaye naziphi na izigqibo ezenziwe nguAirbnb phantsi kwale polisi aziwachaphazeli amalungelo abo asemthethweni.

Inkcazelo ekweli nqaku isenokuba itshintshile emva kokuba lipapashiwe.