Qhubeka uye phambili ukuze ufikelele kwiziphumo ezicetyisiweyo
    Lo mxholo awufumaneki ngolwimi olukhethileyo, ngoko siwenze wafumaneka ngolona lwimi esinalo olusondeleyo kolwakho.

    Qalisa kuAirbnb

    Funda ukuba ungaqala njani ukubuka iindwendwe, ukususela ekwenzeni indlu yakho ukuya ekulungiseni indawo yakho.
    Ngu-Airbnb nge-2019 Dis 18
    Lifundeka ngemizuzu eyi-2
    Ihlaziywe nge-2021 Sep 2

    Izinto eziphambili

    • Hlola imithetho yasekuhlaleni yokuhlala neendwendwe kwikhaya lakho

    • Beka ixabiso lakho losuku uze usete ikhalenda yakho

    • Chaza ukuba yahluke okanye ayiqhelekanga ngantoni indlu yakho

    • Qoqosha, faka izinto ezibalulekileyo uze ube nemithetho yendlu ecacileyo

    Yenza indlu yakho

    Indlu yakho yijonge njengendawo yokuthengisa indawo yakho. Ufuna ukuyenza ibe nomtsalane kangangoko kunokwenzeka, ngoxa uthetha inyani ngezinto ezisenokungathandeki.

    • Qala ngezinto ezifunekayo. Faka iinkcukacha ezifana nendawo ekuyo indawo yakho, uhlobo lwendawo nenani lamagumbi okulala nawokuhlambela eziza kukwazi ukuwasebenzisa iindwendwe zakho.
    • Fota indawo. Iindwendwe ziyakuthanda ukubuka iifoto xa zisenza isigqibo sendawo eziza kuhlala kuyo. Ukuze ufote iifoto ezintle, qala ngokuqoqosha indawo yakho. Fota iifoto zendawo nganye, usebenzisa ukukhanya kwendalo uze uyizise ngecala ifoto xa kunokwenzeka.
    • Yenza izinto ezikhethekileyo zibe phambili. Xa ubhala isihloko nengcaciso yendlu yakho, cinga ngezinto eziyenza ikhetheke indawo yakho, njengendawo entle eyingqongileyo okanye ipuli. Ngaphezu koko, phawula naziphi na izinto kwingcaciso yakho ekubalulekileyo ukuba iindwendwe zizazi ngaphambi kokubhukisha, njengezitepsi okanye indawo yokupaka.

    Lungisa izinto ezifuna ukulungiswa

    Inyathelo lakho elilandelayo iza kuba kukulungisa yonke into efunekayo kwindlu yakho ukuze ukubuka kwakho iindwendwe kuhambe kakuhle.

    Lungisa indawo yakho

    Nokuba ulindele undwendwe lwakho lokuqala okanye olwe-100, nanga amanyathelo ekuza kufuneka uwenze ukuze uqinisekise ukuba indawo yakho ilungile.

    • Qoqosha. Coca igumbi ngalinye elinokungena kulo iindwendwe, ingakumbi amagumbi okulala, izindlu zangasese nekhitshi. Hlola ukuba akukho zinwele, uthuli, okanye ukungunda phezu kwezinto naphantsi uze wondlule ibhedi ngezinto zebhedi ezicocekileyo.
    • Gcina izinto zakho ezixabisekileyo. Ukuba unejuwelari, iipaspoti okanye ezinye izinto ezixabisekileyo, unokuzigcina kwigumbi elitshixwayo, ikhabathi, kwisefu okanye indawo yokugcina izinto. Okanye ungazigcinisa kwintsapho okanye abahlobo.
    • Faka izinto ezifunekayo. Ukuze uncede iindwendwe zizive zisekhaya, cinga ngokuba nezinto ezifana nesepha, ishampu, iphepha langasese, izinto zebhedi neetawuli. Ayonto imbi ukuba nazo nezongezelelekileyo kwindawo ekufuphi.
    • Nikezela ngeenkcukacha zokubhalisa xa kufikwa. Lungiselela ukubhalisa iindwendwe xa zifika naxa ziphuma, okanye ucele abahlobo nentsapho bakuncede. Ukuba akuzukubakho mntu, ungasebenzisa ibhokisi enesitshixo okanye iqhaga le-elektroniki uze unike iindwendwe imiyalelo yokungena kwi-app yakwa-Airbnb.
    • Faka izinto ezincinci. Iindwendwe ukubona ukuba ucinge ngento yonke. Incwadi ezixelela ngendlu enemiyalelo namacebiso inokunceda iindwendwe ziziqhelanise nendawo. Ibhotile yewayini okanye isipho esincinci sinokwenza iindwendwe zizive zamkelekile kakhulu, kodwa ayinyanzelekanga loo nto.

    Xa uyifakile indlu yakho waza walungisa indawo yakho, uza kukulungela ukuqalisa ukwamkela iindwendwe nokwenza ingeniso!

    Izinto eziphambili

    • Hlola imithetho yasekuhlaleni yokuhlala neendwendwe kwikhaya lakho

    • Beka ixabiso lakho losuku uze usete ikhalenda yakho

    • Chaza ukuba yahluke okanye ayiqhelekanga ngantoni indlu yakho

    • Qoqosha, faka izinto ezibalulekileyo uze ube nemithetho yendlu ecacileyo

    Airbnb
    2019 Dis 18
    Ngaba oku bekuluncedo?