Ukuphucula indlu yakho njengoko uqhubeka

Ababuki Zindwendwe abaphumeleleyo bayazi ukuba indlu yabo ifuna imane iphuculwa—bakhangela amathuba okuyitshintsha njengoko beqhubeka nokubuka iindwendwe. Ungayilungisa indlu yakho ukuze ibonise kakhulu izinto ezithandwayo, ibonise izinto ezitshintshileyo kwindlu yakho okanye ukuphisane ngakumbi.

Awuqinisekanga ukuba uqale phi? Nanga amanye amacebiso:

Iindwendwe azisoloko ziyifunda ingcaciso yakho, kodwa ngokuqinisekileyo ziza kuzibuka (zize zizijongisise!) iifoto zakho. Ngoko ukuba usandul' ukuyilungisa indawo yakho, ufake ezinye izinto ezinokusetyenziswa ezintsha, okanye unexesha elingakumbi okanye imali yokubhatalela ukufota, cinga ngokuzitshintsha.

• Eyona nto ekufuneka uyihoye yifoto esekuqaleni. Ifoto yakho esekuqaleni yiyo ebonakala kuqala kwiziphumo zokukhangela, ngoko qinisekisa ukuba yenza umdla kumhambi.
• Bhala amagama ambalwa ahamba nefotoLa magama ahamba nefoto anceda iindwendwe zifunde inkcazelo ebalulekileyo ngendawo yakho, efana nokuba kukho ibhedi enkulu kwigumbi lokulala elilelona likhulu okanye umatshini we-espresso ophucukileyo ekhitshini.
  
• Qesha umntu okwaziyo ukufota. Ukufotelwa ngumntu okwaziyo kunokwenzela imali ebhatalela ukumqesha. Jonga ukuba uAirbnb unabo na abantu abakwaziyo ukufota kwingingqi yakho.
• Fota njengomntu okwaziyo. Ininzi into ongayenza ukuze uphucule iifoto zendlu yakho usebenzisa ifowuni yakho. Yiba neefoto ozifote ngokwakho ezibhetele ngokusebenzisa lamacebiso okufota.

Zama ukugcina iinkcukacha zendlu yakho zichanile kwaye zisexesheni kangangoko. Umzekelo, ukuba awusakwazi ukusebenzisa ipuli esetyenziswa nangabanye abantu, qinisekisa ukuba uyayisusa kwindawo obuthethe ngayo kuyo.

• Yenza ibe mfutshane ingcaciso yakho. Iindwendwe ezininzi azinaxesha lokufunda iinkcukacha ezininzi, ngoko gxininisa kwizinto ezinomdla kakhulu kuzo.
• Bonisa indlela yakho yokubuka iindwendwe. Ngoku inoba sele usazi ukuba Ungumbuki Zindwendwe onjani. Ungoyiki ukuvumela ubuntu bakho bubonakale kwiinkcukacha zendlu yakho.
• Thetha neendwendwe ofuna ukuzitsala. Mhlawumbi ubusoloko ubuka iintsapho okanye abantu abahamba ngomsebenzi abaninzi. Cinga ukutshintsha indlela othetha ngayo ukuze uthethe neendwendwe ezinjalo, kwaye ubalaselise ezona zinto zenza umdla kuzo.

Iindwendwe zakho zikhe zabuza ngomatshini wokomisa iinwele? Zikhe zathi akukho ketile kwizimvo zazo? Zonke ezi zizimvo ezintle—zisebenzise ukuze ugqibe ngezinto oza kuzithengela indawo yakho, kwaye uqiniseke ukuba uyalulungisa uludwe lwezinto ezinokusetyenziswa wakuba uzifakile. Nazi ezinye zezinto ezinokusetyenziswa ezifunwa kakhulu:*

• Ipuli
• IWifi
• Ikhitshi
• Indawo yokupaka yasimahla
• Ijacuzzi
• Umatshini wokuhlamba okanye owokomisa impahla
• Umatshini okhupha umoya obandayo okanye oshushu okanye isixhobo sokufudumeza indlu
• Ukuzingenela
• Indawo onokuhlala kuyo usebenzise i-laptop
• Ukuvunyelwa kwezilwanyana zasekhaya

Ukuba uyaqala ukubuka iindwendwe kuAirbnb, usenokubeka ixabiso losuku elingaphantsi kwalawo abizwayo ngokuqhelekileyo ukuze indlu yakho ibe nomtsalane ngakumbi. Wakube unethuba ubuka iindwendwe ibe unezimvo ezintle eziliqela zokwenza indlu yakho ibe phambili, usenokuphinda ujonge ixabiso lakho ukuze ufumane elona liza kukhuphisana namanye.

Izinto zokukhangela zika-Airbnb zinezinto ezingaphezu kweziyi-100 ezenza iindwendwe zidityaniswe nezindlu ezizifunayo.

Sebenzisa izimvo zeendwendwe—izimvo ezintle nezingekho zintle kangako—zikuncede uphucule indlu yakho. Bezingawuvali umlomo ngendawo yakho yokuhlala phandle?Zama ukuyibonisa ezifotweni. Kwelinye icala, mhlawumbi iindwendwe izothusile into yokuba bekungekho lula kangako ukuya kuyo xa usuka kwisikhululo seenqwelo-moya. Ukuyicacisa ngakumbi le nkcazelo kwingcaciso yendlu yakho kuza kunceda iindwendwe ezilandelayo ziyazi into emaziyilindele.

Ukuba ungazisebenzisa ezi zinto uzifundayo ukuze uphucule indlu yakho, uza kube usebenzela ekubhukishweni ngakumbi, ube neendwendwe ezonwabe ngakumbi uze ufumane imilinganiselo ephezulu ngakumbi—kwaye usondele ekubeni yiSuperhost.