Izixhobo zokubeka amaxabiso ezilungiswe ngokutsha, ngoku kwikhalenda yakho ka-Airbnb
Umyalezo womhleli: Eli nqaku lapapashwa njengenxalenye Yezintsha NgoMeyi ZeAirbnb 2023. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.
Izinto ezithethwe ngababuki zindwendwe zisenze sadibanisa zonke izixhobo zokubeka amaxabiso kwikhalenda yakho. Ungawatshintsha amaxabiso akho, utshintshe ixesha ofumaneka ngalo uze ujonge naziphi izaphulelo okanye izaphulelo ezifumaneka kube kanye ozibekileyo kwindawo enye elungele wena.
Nokuba sesiphi na isixhobo osisebenzisayo ukuze ulawule amaxabiso akho, siza kukubonisa imali ebhatalwa lundwendwe nemali oza kuyenza. Senze kwalula nokubeka izaphulelo. Vela uhambise islayida uze umyinge wexabiso lakho leveki okanye lenyanga utshintshe ngokwexabiso lesaphulelo sakho.
Ukwahlulahlulwa kwamaxabiso okulungisiweyo
Njengombuki Zindwendwe, nguwe osoloko elawula ixabiso lakho. Kuyanceda ukwazi indlela elivela ngayo ixabiso lakho xa undwendwe lukhangela, kuba ixabiso losuku olibekayo aluyomali epheleleyo eza kubhatalwa lundwendwe.
Ixabiso elipheleleyo londwendwe liquka zonke iimali ezimele zibhatalwe ngaphambi kokufakwa kweerhafu, ngaphandle kwakwiingingqi apho imithetho yasekuhlaleni ifuna ukuba kuqukwe neerhafu. Ukuqonda ixabiso elipheleleyo kunokukunceda ubeke ixabiso elihle kuze kukuncede ufikele ingeniso ofuna ukuyifikelela.
Kwezi veki zizayo, siza kukhupha isixhobo esilungisiweyo sokwahlulahlula ixabiso. Vele ukhethe naziphi iintsuku kwikhalenda yakho ukuze ufumane iinkcukacha zexabiso elipheleleyo leendwendwe ngezo ntsuku. Ukwahlulahlulwa kwexabiso kuchaza ixabiso losuku, iimali ezimele zibhatalwe, naziphi na izaphulelo okanye izaphulelo ezifumaneka kube kanye ezikhoyo, irhafu, nengeniso yakho.
Kwikhalenda yakho, khetha naluphi usuku oluvulekileyo okanye iintsuku. Ngezantsi kwexabiso lakho losuku, uza kubona iqhosha elibonisa imali epheleleyo eza kubhatalwa lundwendwe ngoko kubhukisha. Xa ucofa iqhosha kuza kuboniswa ixabiso nendlela eyahlulahlulwe ngayo ingeniso.
Izaphulelo zeveki nezenyanga eziphuculiweyo
Ukuba nezaphulelo zokuhlala iveki okanye inyanga kungakunceda wenze imali engakumbi ngoxa usenza imisebenzi embalwa yokulungiselela iindwendwe ezilandelayo. Usixelele ukuba kunzima ukufumanisa indlela izaphulelo ezilichaphazela ngayo ixabiso lakho nengeniso.
Xa ufaka isaphulelo, uza kufumana amacebiso ngokusekelwe kwindlu yakho nokufunwa kweendawo ezifana neyakho kwingingqi yakho. Ukuze utshintshe ixabiso, hambisa islayida. Le nto iza kuwutshintsha ngoko nangoko umyinge wexabiso lakho leveki okanye lenyanga nengeniso ukuze ibonise isaphulelo.
Ukuze usebenzise islayida sesaphulelo, yiya kwindawo ethi Izaphulelo kwithebhu yakho Yamaxabiso, emva koko ukhethe indawo ethi Eseveki okanye Esenyanga. Ungafaka nesaphulelo ngokufaka inombolo ecaleni kophawu lwepesenti.
Funda okungakumbi ngezi zixhobo kwiziqendu zethu zokufundisa ngamaxabiso. Khetha Ukuyifumana Kuqala ukuze usebenzise ezi zixhobo zitsha nezinye Kwizinto Ezintsha NgoMeyi 2023 zakwa-Airbnb, ezinezinto eziyi-25 eziphuculiweyo Zababuki Zindwendwe.