Iindlela ezintsha zokulawula indlu yakho yeAirbnb Plus
Inkqubo yeAirbnb Plus yaqala ngo-2018 ukuqaphela izindlu ezisemgangathweni, ezitofotofo, nezinestayile esisemagqabini. Xa indlu inophawu lweAirbnb Plus, loo nto ithetha ukuba indlu iye yahlolwa ngumntu ngqo.
Ababuki Zindwendwe abaninzi bacele indlela elula ngakumbi yokuchazela iindwendwe ngemigangatho ephezulu yale nkqubo. Ngokusekelwe kuluvo lwakho, siyawahlaziya amaphepha ezindlu zeAirbnb Plus ngoFebruwari 2023.
Izinto ezitshintshayo ziquka:
- I-Airbnb Plus icaciswa ngesivakalisi nje esinye, kwinto eyenza yahluke ngezantsi kwesihloko sendlu yakho: “Indlu nganye yePlus iyahlolwa ukuba isemgangathweni.” Iindwendwe zinokucofa ilinki ukuze zifunde okungakumbi, kuvele iinkcukacha zale nkqubo kwiwindo ethi gqi.
- Kulula ukuba iindwendwe ziyibuke ngokukhawuleza indlu yakho njengoko zikhangela indawo yokuhlala efanelekileyo. Ibheji yakho yeAirbnb Plus isabonakala phezulu kwiphepha lendlu yakho, kwaye iindwendwe zingakhetha iAirbnb Plus njengoko zihluza iziphumo zokukhangela. Le ndlela intsha yokubeka iphepha ilenza lihambelane ngakumbi noAirbnb xa ewonke, odizayinwe ngokutsha kunyaka ophelileyo.
- Ungalungisa izinto ezingakumbi kwiphepha lendlu yakho. Ungabhala ingcaciso ende ngakumbi yendlu, ufake izinto ezinokusetyenziswa kuludwe oluphuculiweyo lwezinto onokukhetha kuzo uze ulungise iifoto zakho ungakhange uqhakamshelane noAirbnb.
Inkqubo yeAirbnb Plus ifumaneka kuphela Kubabuki Zindwendwe abasele befumene ibheji. Asibamemi abanye ukuba bajoyine okwangoku.
Amanyathelo alandelayo Ababuki Zindwendwe beAirbnb Plus
Sicebisa ukuba uhlole indlu yakho yeAirbnb Plus emva kokuba izinto ezitshintshiweyo ziqalisile ukusebenza. Ukuqinisekisa ukuba inkcazelo yakho isexesheni ibe iphelele kunokuyinceda indlu yakho ivele kwiziphumo zokukhangela nakwindawo efanelekileyo Kwiindidi ezikuAirbnb.
Ukuphinda ujonge izinto onazo nezinto ezinokusetyenziswa
Silungise uludwe oluqhelekileyo lwezinto ekufuneka ube uyazenza nolwezinto ezinokusetyenziswa. Licebo elihle ukujonga uludwe oluhlaziyiweyo ukuze uqinisekise ukuba uyikhethe yonke into iindwendwe eziza kuyifumana kwindawo yakho.
Uza kufumana izinto ezintsha onokukhetha kuzo, njengekhitshi elincinci nomatshini we-espresso. Ezinye izinto ezindala zisusiwe. Ukuba into okanye into enokusetyenziswa ongathanda ukuyibonisa ayisekho kuludwe, ungayibonisa kwingcaciso yendlu yakho.
Ukubhala inkcazelo yendlu enomtsalane
Ngoku unendawo engenasiphelo—inyuke isuka koonobumba abayi-600—yokubhala uze uchaze into eyenza indawo yakho ikhetheke. Usenokufuna ukufaka ezinye iinkcukacha ezikhethekileyo ezingakumbi.
Ngokomzekelo, thetha ngezinye izinto ezongezelelekileyo onazo Njengombuki Zindwendwe weAirbnb Plus, njengamashiti odidi oluphezulu, ukuthathwa kwisikhululo seenqwelo-moya xa loo nto iceliwe, okanye ifriji enento yonke.
Ukufaka iifoto ezintsha ezifotwe yingcali
Kukhona izinto ozitshintshileyo kutshanje kwindawo yakho, ngaphakathi okanye ngaphandle?? Cinga ngokufaka iifoto ezintsha ukuze ubonise iindwendwe eyona nto zinokuyilindela xa zihleli apho.
Ungacela ukufotelwa yingcali efotayo yakwa-Airbnb. Ukuba le nkonzo iyafumaneka kwingingqi yakho, uza kufumana i-imeyile ebonisa ikowuti yexabiso onokuyamkela okanye ungayamkeli.
Xa uneefoto ezintsha, uyakwazi ukulawula ukuba zeziphi ozifakayo ibe unokususa nantoni na ephelelwe lixesha.