Izinto eziphuculiweyo kwimiyalezo ukuze ukwazi ukuncokola neendwendwe
Umyalezo womhleli: Eli nqaku lapapashwa njengenxalenye Yezintsha NgoMeyi ZeAirbnb 2023. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.
Ukubuka iindwendwe ngempumelelo kufuna ukunxibelelana kakuhle neendwendwe, nto leyo enokuthatha ixesha. Sazisa ngezinto ezimbini eziphuculiweyo ukuze kube lula ukunxibelelana: into ebonisa ukuba imiyalezo ifundiwe neempendulo ezikhawulezayo ezintsha.
Into ebonisa ukufundwa kwemiyalezo
Usixelele ukuba ungathanda ukwazi ukuba iindwendwe ziyifumene na imiyalezo yakho. Kuba kukho into ebonisayo xa imiyalezo ifundiwe, Ababuki Zindwendwe neendwendwe banokubona ukuba imiyalezo yabo ifundiwe.
Xa wena okanye iindwendwe zakho niwufundile umyalezo othunyelwe nge-app yakwa-Airbnb, kuvela into ebonisa ukuba ufundiwe ngezantsi komyalezo wokugqibela kwimiyalezo oyifumeneyo noyithumeleyo.
Ngokuzenzekelayo, into ebonisa ukuba imiyalezo ifundiwe iza kwenziwa isebenze kubo bonke abantu abasebenzisa uAirbnb kwasekuqaleni kukaJuni. Ukuze uyicime, yiya kwicandelo elithi Izinto Eziyimfihlo nezokuthumela kwiisetingi zeakhawunti yakho.
Iimpendulo ezikhawulezayo ezintsha
Iimpendulo ezikhawulezayo nemiyalezo ecwangcisiweyo yenza kungachithwa xesha. Ngoku ungafaka ikhadi elibonakala kakuhle elidibanisa imiyalelo yakho yokuphuma emitsha kuyo nayiphi impendulo ekhawulezayo okanye umyalezo obekelwe ixesha.
Ukukunceda wenze oku ngokukhawuleza, sifaka amacebiso ngokuzenzekelayo kwimiyalezo yakho. Nantsi indlela esebenza ngayo:
Ukuba undwendwe lwakho luthumela umyalezo olubuza ngexesha lokuphuma, uza kufumana icebiso ngokuzenzekelayo lokuthumela impendulo ekhawulezayo equka imiyalelo yokuphuma.
Ukuba awukayenzi imiyalelo yakho yokuphuma, uza kufumana icebiso elizenzekelayo lokwenza njalo, uze emva koko ungayithumela njengekhadi lokuphendula ngokukhawuleza.
Ezi zinto zingena kwimiyalezo ziyinxalenye Yezinto Ezintsha KuMeyi 2023 zakwa-Airbnb, ezinezinto eziyi-25 eziphuculiweyo Zababuki Zindwendwe. Khetha Ukuyifumana Kuqala ukuze uqalise ukusebenzisa ezi zixhobo zitsha namhlanje.