Indlela uAirbnb akunceda ngayo njengoMbuki Zindwendwe

Ukuba usafika ekubukeni iindwendwe, kusenokwenzeka ukuba unemibuzo emininzi ngokuba kanye kanye kuqalwa phi ibe zibukwa njani iindwendwe. Ukususela ekwenzeni isigqibo sokubuka iindwendwe kwindawo yakho ukuya ekufikeleleni izinto ozibekele zona ngeshishini lakho, ungamthemba uAirbnb ukuba uza kufak' isandla kwimpumelelo yakho ngalo lonke ixesha.

Sichithe ngaphezulu kweminyaka elishumi sisenza izixhobo zokukunceda, kuquka izikhokelo zendlela yokulungisa indlu yakho ngokuphumelelayo, indlela yokuba uthumele imiyalezo, iiforamu Zababuki Zindwendwe nezinye izinto.

Xa unezi zixhobo, ungaqalisa ishishini lakho lokubuka iindwendwe uzithembile.

Ababuki Zindwendwe bethu banokunikezela ngamanye awona macebiso mahle xa kufikwa ekuqaliseni nasekugcineni ishishini lokubuka iindwendwe ekhayeni lakho. Nantsi indlela yokukhawuleza uqhagamshelane Nababuki Zindwendwe kwingingqi yakho nasemhlabeni wonke:

• Besebenzisa iiklasi ezikwi-intanethi ezenzeka kwangelo xesha* nokuthetha ninobabini nodwa Noonozakuzaku abaziSuperhost,** abo basenokuba Ngababuki Zindwendwe banokufumana amacebiso amahle okubuka iindwendwe
• Iiforamu ezikwi-intanethi ezifananeZiko Lentsapho namaqela kaFacebook asekuhlaleni anceda Ababuki Zindwendwe bachazelane ngenkcazelo, babaliselane amabali bakhuthazane baze bancedane
• Iziko lethu Lolwazi ligcwele ngamanqaku, izikhokelo neevidiyo ezinamacebiso amaninzi Ababuki Zindwendwe abaphumeleleyo—ukususela kwindlela yokubhala isihloko sendlu esenza umdla ukuya kwindlela yokubhatalwa

Iingcali zethu zokunceda ziyafumaneka imini nobusuku efowunini, kwi-imeyile naxa uthumela umyalezo ukuze ziphendule ngokukhawuleza imibuzo yakho zize zikuncede ulungise naziphi na iingxaki ezinokuvela.

Nazi ezinye zeendlela esizama ngazo ukukukhusela, ukukukhuthaza nokukunceda:

• I-AirCover Yababuki Zindwendwe iquka i$1 miliyoni yeInshorensi yomonakalo yombuki zindwendwe kwimeko enqabileyo yokuba indawo okanye izinto Zombuki Zindwendwe zonakaliswe lundwendwe ngoxa luhleli kwindawo ka-Airbnb.
• Iindwendwe kufuneka zithumele inkcazelo esichazela ukuba zingoobani, kuquka amagama azo apheleleyo, umhla wokuzalwa, inombolo yefowuni, idilesi yeimeyile nenkcazelo yokubhatala kuAirbnb ngaphambi kokubhukisha
• Siyayinyanzelisa imilinganiselo yeendwendwe size siqinisekise ukuba iindwendwe ziyazithobela iipolisi zethu, njengepolisi yethu yokungacaluli

Umbuki Zindwendwe uDennis waseLondon, eNgilani, uthi i-Inshorensi yomonakalo yombuki zindwendwe ibaluleke kakhulu kuye: "Yenye yezinto eyandinceda ndenza isigqibo sokujoyina uAirbnb, kuba ukuba kukho umonakalo okanye iingxaki, ikhona ukuze indincede."

Sizimisele ukubamamela nokufunda Kubabuki Zindwendwe bethu. Ukutyhubela iminyaka, senze izixhobo ezitsha ezininzi ezikunceda wenze ishishini lokubuka iindwendwe eliphumelelayo nelonwabisayo, kuquka:

• Izixhobo zethu zezaphulelo ezikhethekileyo, ezinceda Ababuki Zindwendwe benze izindlu zabo zibe nomtsalane ngakumbi ngokusebenzisa izaphulelo ezifumaneka kube kanye kwizindlu ezintsha, izaphulelo zabo babhukisha kwangoko, kunye namaxabiso aphantsi eveki
• Ibhokisi yemiyalezo ehlaziyiweyo enemiyalezo yakho yeempendulo ezikhawulezayo (ngaphambili ibisaziwa njengemiyalezo egciniweyo) nemiyalezo ebekelwe ixesha evele iyenze ngokuzenzekelayo imisebenzi ephindaphindayo ize ikuncede ulungelelanise unxibelelwano lwakho, ikongela ixesha Njengombuki Zindwendwe
• Ithebhu Yamathuba, inamacebiso okubhukisha athetha ngokukhethekileyo ngengingqi yakho ukuze akuncede utshintshe izinto ngokuhambelana nokutshintsha kwezinto ezithandwayo zohambo

Ukuthatha isigqibo sokubuka iindwendwe kusenokoyikisa, yiloo nto sisebenza Nababuki Zindwendwe abaphum' izandla kwintsapho yethu ukuze sikuncede ngalo lonke ixesha. Ukonwabele ukubuka iindwendwe!

Iiklasi ezikwi-intanethi ezithi *“Intshayelelo Yokubuka Iindwendwe” ngoku ziyafumanekaeJamani, eFransi, eItali, eSpeyini, eUnited Kingdom, naseMerika.

** Iiklasi ezikwi-intanethi nooNozakuzaku abaziSuperhost abafumaneki kuzo zonke iindawo.

I-inshorensi yomonakalo yombuki zindwendwe ayopolisi yeinshorensi. Ayibakhuseli Ababuki Zindwendwe abaneendawo zokuhlala ezikuAirbnb Travel LLC okanye Ababuki Zindwendwe abakwimimandla yaseTshayina okanye abaseJapan.

Ukhumbule ukuba zonke iimali zezinto ezikhuselwayo zichazwe ngokweedola zaseMerika ibe kukho neminye imiqathango, iimeko nezinto ezingaqukwanga.

Inkcazelo ekweli nqaku kusenokwenzeka ukuba iye yatshintsha emva kokuba lipapashiwe.